Old Man (kanaouenn)

Eus Wikipedia
Sauter à la navigation Sauter à la recherche

Old Man a zo ur ganaouenn saoznek savet, ton ha son, gant ar c'haner-sonaozer kanadian Neil Young.

E dibenn 1970 en devoa prenet Young ur ranch[1] nepell diouzh Redwood City (Kalifornia, Stadoù-Unanet Amerika), lonket holl vrientalioù e ganaouenn Ohio en e di-annez nevez diouzh an dro. Awenet e voe Young gant unan eus e amezeien gozh, Louis Avala[2] e anv.
Pevar arzour stadunanat a gemeras perzh en enrolladenn Old Man e 1971 :

Mont a raent d'ober ar strollad The Stray Gators ha bez' e voent sonerien Young adalek 1971 betek 1973, o kemer perzh en e albomoù Harvest ha Time Fades Away.
Pedet e voe James Taylor (1948-) da seniñ ar banjo c'hwec'h kordenn ha kanañ koulz ha Linda Ronstadt a c'heller klevout he mouezh er sonenn ivez.

Embannet e voe Old Man e ti Reprise Records, d'ar 25 a viz C'hwevrer 1972[4], e-touez dek kanaouenn Harvest, pevarvet albom Neil Young, hag eñ produour anezhañ a-gevret gant Elliot Mazer (1941-).
Padout a ra 3:22 ha renket eo da gentañ en eil tu eus an albom, a-raok There's a World.

Selaou Old Man...[kemmañ | kemmañ ar vammenn]

Lenn ar gerioù...[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]

  1. Broken Arrow Ranch an anv roet dezhañ gant Neil Young.
  2. Christophe Delbrouck, Crosby, Stills, Nash & Young, Le Castor Astral, 2009, pajenn 300.
  3. Mervel a reas e ranch Young.
  4. Christophe Delbrouck, Crosby, Stills, Nash & Young, Le Castor Astral, 2009, pajenn 299.