Narkissos

Ur pennad Narcís zo ivez.

Ur pennad Narsis zo ivez.

Νarkissos (Νάρκισσος / Nárkissos e gregach) a zo mab d'an doue-stêr Kefisos ha d'an nimfenn Liriope, e mojennoù Hellaz kozh.

Mojenn

E Metamorfozoù Ovidius eo kontet ar vojenn diwar e benn. Pa voe ganet Narkissos e voe goulennet ouzh an diouganer Teiresias ha mont a rafe ar bugel da gozh, hag eñ da respont : « Da gozh ez ay m'en em anavez. » Deuet bras ar paotr, koant e oa evel an heol, ha lorc'hus ken-ha-ken. Fae a reas war an nimfenn Ec'ho, ha re all c'hoazh, pitilh gantañ. Un deiz, e dour un eienenn, e welas e skeudenn, ma'z orgedas-eñ outi. E-pad deizioù e chomas dirak e skeudenn da glemmichat dre ma ne oa ket evit tapout anezhi. A-benn ar fin e varvas gant an naon, hag e c'hoarezed an naiadezed a zougas kañv dezhañ.

E-lec'h ma voe kavet e gorf e voe kavet foeon ivez, bleunioù gwenn anvet narcissus e latin.

Doare all

Gant Nonnos Panopolis e oa un doare all d'ar vojenn.

Mab Endymion ha Selene e oa Narkissos, ha dezhañ ur c'hoar c'hevell, hag eñ pitilh ganti. Pa varvas-hi e kustumas-eñ da vont d'ur feunteun ma c'halle sellout ouzh he skeudenn en dour, pa oant heñvel.

Narkisegezh

Krouet eo bet ar ger narkisegezh e psikologiezh evit aroueziñ ar garantez a c'hell an den kaout ouzh e skeudenn e-unan.

Pennadoù kar

Liammoù diavaez

Commons

Muioc'h a restroù diwar-benn

Narkissos

a vo kavet e Wikimedia Commons.

Mojenn Narkis - Levraoueg Mojennoù Hellaz ar Garantez etre Paotred