Mika Etchebehere

Mika Etchebehere

Mika Etchebehere, pe Michèle Feldman he gwir anv, (2 a viz C'hwevrer 1902 en Arc'hantina – 7 a viz Gouere 1992) a oa ur stourmerez anarkour ha marksour hag a gemeras perzh e POUM e-pad Brezel Spagn.

He buhez

Ganet e oa en Arc'hantina en ur familh yuzev hag he doa ranket tec'hout kuit eus Rusia abalamour d'ar pogromoù. Pa oa yaouank e voe ezel eus strollad anarkour Rosalio. E 1920, p'edo e skol-veur Buenos Aires, e kejas gant Hippolyte Etchebehere hag a oa ezel eus ar strollad "Insurrexit". Levezonet e oant gant dispac'h Rusia ha neuze e tivizjont emezelañ er strollad komunour. Buan e voent skarzhet, abalamour d'o zechoù anarkour. E 1931 ez ejont da Europa. E 1932 edont e Berlin, ma verzjont e pe stad e oa ar vicherourien alaman. E miz Gouere 1936 ez ejont da Vadrid hag e kemerjont perzh er POUM. Hippolyte a varvas e-pad un emgann d'ar 16 a viz Eost 1936. Dilennet e voe neuze e wreg e penn ar bagad. Met pa voe rediet stourmerien ar republik da asantiñ d'ar soudardelaaat e voe kaset d'an 38vet batailhon. Ar batailhon a voe peuzflastret ha neuze e voe lakaet da ofiserez er 14vet rannarme, renet gant an anarkour Cipriano Mera. Kemer a reas perzh en emgannoù betek miz Even 1938. Goude-se e voe divizet ne vrezelfe ket mui ar maouezed, neuze e roas kentelioù d'an dud dizesk. P'en em gavas arme Franco e Madrid e teuas a-benn da dec'hout war-du Frañs. E-pad an Eil brezel bed edo o chom en Arc'hantina, hag e tistroas da Frañs e 1946.

Levrlennadur

• Mika Etchebehere, Ma guerre d'Espagne à moi, Denoël, 1976 ha Babel-Actes Sud, 1998
  • Cynthia Gabbay, "Identidad, género y prácticas anarquistas en las memorias de Micaela Feldman y Etchebéhère", Forma. Revista d'estudis comparatius. Art, literatura, pensament, nº 14, Barcelona, 2016, pp. 35–57. http://www.raco.cat/index.php/Forma/article/view/326720/417234
  • Cynthia Gabbay, “(Jewish) Women’s Narratives of Caring and Medical Practices during the Spanish Civil War”, Nashim: A Journal of Jewish Women’s Studies and Gender Issues, Special Issue 36: Jewish women medical practitioners in Europe before, during and after the Holocaust, Indiana University Press, Printemps 2020, 205-233, https://muse.jhu.edu/article/760408
  • Cynthia Gabbay, “El onceavo mandamiento: memoria del fuego en la literatura judía y feminista de la guerra civil española”, (Eds.) Emmanuel Kahan, Ariel Raber, y Wanda Wechsler (NEJ, IDES), Hacer Patria. Estudios sobre la vida judía en Argentina, Buenos Aires: Teseo, 2020, 31-67. ISBN 9789878654430, publié aussi dans Mozaika Magazine, Barcelona, 5 novembre 2020 http://mozaika.es/magazine/en/el-onceavo-mandamiento-memoria-del-fuego-en-la-literatura-judia-y-feminista-de-la-guerra-civil-espanola-3/
  • Cynthia Gabbay, “Babilonia y Revolución en España: Prácticas de escritura cosmopolita de una miliciana/ Mika Feldman Etchebehere”, (Eds.) Julia Kölbl, Iryna Orlova et Michaela Wolf, ¿Pasarán? Kommunikation im Spanischen Bürgerkrieg. Interacting in the Spanish Civil War, Vienna: New Academic Press, 2020, 82-99. ISBN 978-3-7003-2179-8