Mebyon Kernow
Mebyon Kernow (Kerneveureg Mibien Kernev Veur) a zo ur strollad politikel eus Breizh-Veur hag a zo e bal pennañ aozañ ur gouarnamant emren e Kerne-Veur.
Krouet e voe ar strollad d'ar 6 a viz Geñver 1951 e Redruth. Prezidantez gentañ a voe dilennet a zo Helena Charles hec'h anv. Divizet e voe neuze e vefe e balioù :
- Studiañ doareoù lec'hel hag arnodiñ da gompezañ ar re na vefent ket emsav evit Kerne-Veur.
- Lakaat war-raok ar c'herneveureg hag e lennegezh
- Broudañ studi an istor kerneveurat eus ur savboent kerneveurat
- Labourat ma vo degemeret Kerne-Veur evel ur vro geltiek, e-touez ar c'hwec'h bro geltiek
- Embann levrigoù, pennadoù ha lizherioù er c'hazetennoù da lakaat war-raok ar palioù-se
- Aozañ arvestoù ha dudioù, ur blaz keltiek ganto, a c'hellfed lakaat ar palioù-se war-raok drezo
- Kenlabourat gant an holl gevredigezhioù a fell dezho mirout sevenadur Kerne-Veur.
E miz gwengolo 1951 e terouas da c'houlenn ur statud emrenerezh evit Kerne-Veur e-barzh ur stad breizhveuriat kevreel. E sez kentañ e c'hounezas Mebyon Kernow e 1953 e kuzul-kêr Redruth-Camborne. E-pad ar bloavezhioù 50 ha 60 e chomas Mebyon Kerow ur bagad-pouezañ kentoc'h eget ur strollad politikel gwir, avat, hag e izili o-doa ar gwir da emezelañ d'ar strolladoù arall. E-pad ar bloavezhioù 70 hepken ez eas da vezañ un aozadur kenstag a grogas da ginnig danvez-kannidi d'al dilennadegoù lezennel.
Un ezel eus Emglev libr Europa ha liammoù tost gant an SNP ha ar Plaid Cymru eñ-deus. Kevreet gant ar Re C'hlas e oa en dilenadegoù 2005. Danvez-kannad ebet a ginnigas e pastell-vro Saint-Yves da skoazell ar Re C'hlas, tra m'e harpe ar re-mañ er pastelloù-bro kerneveurat arall.
Ar skrivagnerez Daphne du Maurier a oa bet ezel eus Mebyon Kernow. Andrew George, kannad ar strollad Frankizour-demokratel a berc'hennas dezhañ ivez met aet kuit eo pa yeas d'ur strollad politikel gwir.
Dilennadegoù
[kemmañ | kemmañ ar vammenn]Da vare dilennadegoù Europa 1979 eñ-deus gounezet ar strollad 5,9% eus ar mouezhioù met n'eo ket bet barrek da dizhout an dregantad-se adarre adalek-se.
| Dilennadeg | Mouezhioù | Dregant | |
|---|---|---|---|
| Dilennadeg Europa 1979 | 10,205 | 5.9 | |
| Dilennadeg lezennel 1983 | 1,151 | 1.2 | 2 zanvez-kannad |
| Dilennadeg Europa 1989 | 4,224 | 1.9 | |
| Dilennadeg Europa 1994 | 3,315 | 1.5 | |
| Dilennadeg lezennel 1997 | 1,906 | 0.8 | 4 danvez-kannad |
| Dilennadeg lezennel 2001 | 3,199 | 1.3 | 3 danvez-kannad |
| Dilennadeg lezennel 2005 | 3,552 | 1.7 | 4 danvez-kannad |
Ar strollad eñ-deus 5 kuzuler-bann adalek 2004. Unan anezho, Loveday Jenkin, a zo aet d'un ezel eus gouarnamant ar bann e 2005.