Manex

Manech pe Manex zo ur stumm euskarek d'an anv Iban, hag a glot gant Yann e brezhoneg. Anavet eo dreist-holl e Benafarroa, met graet e vez Manex ivez dre fent ouzh an dud ac'hano gant re Zuberoa ha Lapurdi.

Deñved

Roet eo an anv d'ur ouenn deñved ivez, tri rumm anezho:

• ar re pennoù du,
• ar re pennoù rous,
• hag ar re vihan, pe Xaxi Ardia, pe Sasi Ardia.

• 
  Dañvadezed manech pennoù du.
• 
  Dañvadezed manech pennoù rous.
• 
  Deñved manech bihan.

Istor

Brudet eo bet an anv gant ur film gall en 2004, anvet Un long dimanche de fiançailles. 4 bugel zo bet anvet Manech en Bro-C'hall en 2004, 30 e 2005.

Tud zo a gred eo un anv brezhonek. E Breizh e vez skrivet Manec'h zoken, ha roet eo bet ur wech e Roazhon. Kemmesk a vefe gant anv Port Manec'h, e Nevez.

Liamm diavaez

• https://web.archive.org/web/20170622131648/http://www.prenoms.com/edito-prenoms/les-prenoms-de-cinema-manech-o95309.html#CEAKrJrtYtSGbDyp.99