Lucille Gicquel

Lucille Gicquel
Lucille Gicquel o c'hoari gant ar skipailh Volley-Ball Naoned e-pad ar c'houlzad 2018-2019.
Anv	Lucille Gicquel
Alias	Lulu
Ganet	13 a viz Du 1997 Roazhon ( Breizh)
Broadelezh	Breizhat
Micher	C'hoarierez volley-ball

Lucille Gicquel zo ur c'hoarierez volley-ball vreizhat bet ganet d'an 13 a viz Du 1997 e Roazhon. 1,89 m eo he ment.

Merc'h eo da Jean-Charles Gicquel, kampion e lamm a-serzh. He c'hoar Solène Gicquel zo atletourez er memes sport hag o zad. C'hoari a ra Lucille er Roazhon Volley 35 e-pad ur bloavezh, a-raok mont da Doloza d'an "Ensavadur Kevreadel Volley-ball" e 2013. Sinañ a ra er RC Cannes evit tri bloaz evel argaderez. Met dont a ra da vezañ ur c'hoarierez entitlet da vat o vont d'ar Volley-ball Naoned, er c'hevre A.

E 2020 e sin evit klub Imoco Volley eus kêr Conegliano (Veneto). Sellet e vez kampionad Italia evel an hini gwellañ er bed. E-kreiz ar c'houlzad 2021 e tiviz cheñch klub evit ar Cuneo Granda Volley, renket 7vet. E 2023 e ya da c'hoari evit ar c'hlub turk Nilüfer Belediye, e Bursa.

C'hoari a ra gant skipailh Bro-C'hall abaoe 2017, ha kemer a ra perzh en Euro 2019 e Turkia. Skarzhet eo ar skipailh gall en dro gentañ avat. E 2023 e tizh ar skipailh-se kardgourfenn kampionad Europa, ar wech kentañ abaoe 2013. Kemer a ra perzh e C'hoarioù Olimpek Pariz e 2024.

Kluboù

• RC Cannes (2015–2018)
• Volley-Ball Naoned (2018–2020)
• Imoco Conegliano (2020–2021)
• Cuneo Granda Volley (2021–2023)
• Nilüfer Belediye Bursa (2023–)

Loreadeg

E klub

Dindan livioù Naoned e-pad ar c'houlzad 2018-2019.

e Frañs

• Kampionad Bro-C'hall :
  • Gourfennerez e 2016, 2018 ha 2019.

• Kib Frañs :
  • Trec'h e 2016 ha 2018.
  • Gourfennerez e 2019.

• Superkib Frañs :
  • Gourfennerez e 2015 ha 2016.

en Italia

• Kevre ar Gampioned :
  • Trec'h e 2021.

• Kampionad Italia
  • Trec'h e 2021.

• Kib Italia :
  • Trec'h e 2021.

• Superkib Italia :
  • Trec'h e 2020.

E skipailh Bro-C'hall

• Challenger Cup :
  • medalenn aour, trec'h er Challenger Cup merc'hed volley-ball 2023.

• Kevre Europa :
  • medalenn aour , trec'h e Kevre Europa merc'hed volley-ball 2022.

• Tournamant Bro-C'hall (a vignoniezh) :
  • Gourfennaderez e Tournamant Bro-C'hall 2022.

• Kib Savaria (a-vignoniezh) :
  • Trec'h e 2019.

Enoradennoù

• C'hoarierez wellañ ha merkerez wellañ e Kevre Europa e 2022.
• Merkerez wellañ Kib Frañs e 2019.