Louise-Joséphine Sarazin de Belmont
Louise-Joséphine Sarazin de Belmont
| |
|---|---|
 Sell war Gastell-Paol (1837) Mirdi an Arzoù-kaer, Kemper | |
| Ganedigezh | 14 a viz C'hwevrer 1790 Versailles |
| Marv | 9 a viz Kerzu 1870 Paris |
| Broadelezh |  c'hall
|
| Micher | Livourez Maendreserez |
| Doare | Gweledvaourez |
Louise-Joséphine Sarazin de Belmont (Versailles, 14 a viz C'hwevrer 1790 – Paris, 9 a viz Kerzu 1870) a oa ul livourez hag ur vaendreserez c'hall.
Gant al livour gall Pierre-Henri de Valenciennes (1750-1819), a gelenne da verc'hed yaouank evit lakaat kresk en e c'hopr, e teskas ar vicher betek 1812 ; er bloaz-se e voe anvet ar c'helenner en École des Beaux-Arts, na zegemere ket ar merc'hed.
Betek 1814 e voe harpet gant an impalaerez Joséphine de Beauharnais. Gwarezedez Marie-Caroline de Bourbon-Sicile, dugez Berry e voe pa zistroas Bro-C'hall d'an unpenniezh.
E 1812, a-c'houde kimiad he c'helenner, e tiskouezas al livourez he oberennoù er Salon de peinture et de sculpture e Paris.
Diouzh an taolennoù all a lakaas war ziskouez er bloavezhioù da heul e ouzer e veajas kalz dre Europa : Nàpule, Roma ha Sikilia etre 1824 ha 1826, ar Pireneoù e 1831 – er bloaz-se e c'hounezas ur vedalenn a eil renk er Saloñs. E 1834 e livas e Fontainebleau, hag ur vedalenn a gentañ renk a yeas ganti en hevelep bloaz.
E 1836 ha 1837 e veajas e Breizh (Naoned, Kastell-Paol hag all).
Pa ne veze ket o veajiñ e kelenne en he labourva e Paris.
E 1841 en em stalias en Italia, ma vevas betek 1865. Ur vedalenn all a c'hounezas er Saloñs e 1861, evit div daolenn a ziskoueze forum Roma, an eil diouzh ar beure hag eben da serr-noz.
Ul levr sinet ganti a voe embannet e 1859, en enor d'ur vignonez dezhi[1].
Tri bloaz goude he distro da Bariz e kinnigas hec'h oberennoù diwezhañ er Saloñs e 1868, e-maez ar genstrivadeg, ha tri bloaz goude c'hoazh ez eas d'an Anaon e Pariz.
Oberennoù
[kemmañ | kemmañ ar vammenn]-
-
-
Paris gwelet eus uhelennoù ar Père Lachaise
1842-1859
Mirdi an Aogustined, Tolosa -
-
.jpg)
Notennoù
[kemmañ | kemmañ ar vammenn]- ↑ Jine Sarazin de Beaumont, Hommage à la mémoire de Mme Augustine Dufresne, née à Paris le 10 octobre 1789, ... veuve d'Antoine-Jean Gros, le peintre de Jaffa - Notice sur Mme Augustine Dufresne, Imp. J. Claye, 1859.
Daveoù
[kemmañ | kemmañ ar vammenn]- (fr) LANDON Charles Paul, Annales du Musée et de l'école Moderne des Beaux-Arts, 1831
- (fr) LANDON Charles Paul, Annales du Musée et de l'école Moderne des Beaux-Arts, 1834
- (fr) GABET Charles, Dictionnaire des artistes de l'école française, au XIXème siècle, Madame Vergne, 1834
- (fr) MARMOTTAN Paul, L'École française de peinture (1789-1830), H. Laurens, Paris, 1886
- (fr) Inventaire général des richesses d'art de la France, Plon, Paris, 1891
- (fr) Nouvelles archives de l'art français], 1893, p. 326
- (en) ROSENFELD Daniel, European Painting and Sculpture, ca.1770-1937: In the Museum of Art - Rhode Island School of Design, Rhode Island School of Design, 1992 (ISBN 978-0-9115-1755-2)
