Leo Varadkar

Leo Varadkar, ganet d'an 18 a viz Genver 1979, zo ur politiker iwerzhonat eus ar gostezenn Fine Gael.

Ganet e voe e Dulenn, mab da Ashok Varadkar, ur mezeg indian, ha d'un Iwerzhonadez, Miriam Howell. Studioù a reas e Skolaj an Drinded e Dulenn ha mont da vezeg. Dilennet e voe da gannad e Dáil Éireann e 2007. Pevar bloaz war-lerc'h e teuas da vezañ ministr er gouarnamant. Goude dilennadeg 2016 e voe anvet da vinistr adarre.

Dilennet e voe e penn ar strollad Fine Gael d'an 2 a viz Mezheven 2017, pa oa bet roet e zilez gant an Taoiseach (kentañ ministr) Enda Kenny hag aet e oa da d-Taoiseach en e lec'h, da 38 vloaz hepken. Taoiseach eo bet etre Mezheven 2017 ha Mezheven 2020, ha unan eus ministred gouarnamant Micheál Martin etre miz Mezheven 2020 ha miz Kerzu 2022. Deuet eo da vezañ Kentañ Ministr adarre abaoe 2022, hervez an emglev skoulmet etre e strollad Fine Gael ha strollad Micheál Martin Fianna Fáil e 2020.