Lefkada

Eus Wikipedia
Lec'hiadur Lefkada

Lefkada (gresianeg a-vremañ : Λευκάδα), Leukas e henc'hresianeg (Λευκάς), zo unan eus an Inizi Ionian e Gres. En hanternoz da Itaka ha Kefalonia emañ, ha dezhi ur gorread a 305 km² ha 117 km aodoù. Stavrota eo Ar menez uhelañ enni, 1 158 m uhelder dezhañ.
Stag eo dre ur chaoser ouzh an douar-bras.

Ar c'hêrioù pennañ eo Lefkada, ar gêr-benn, Nydri ha Vassiliki, daou borzh da vont da inizi Meganissi ha Kefalonia.

Meneziek eo an enez, ha strujus er reter hag er c'hreisteiz. Dirak aod ar reter ez eus enezennoù glas, evel Skorpios, Madouri ha Sparti. Serzh eo an aod kornôgel avat ha traezhennoù hir en he hed bep an amzer.


Istor[kemmañ | kemmañ ar vammenn]

Lamm Lefkada zo un tornaod 72 metrad dezhañ a lamme an dud diwarnañ er mor en Henamzer pa vezent gant kleñved ar garantez.
Ar varzhez Sapfo en em lazhas eno abalamour da Faon.

Santa Maura e oa an anv italianek d'ar mare ma oa stag an enez ouzh Republik Venezia (betek 1797), ha goude Sainte-Maure e galleg. E 1800 e lakaet d'ur rann eus Republik ar Seizh-Enez.