Lazhadegoù ar foibe

Foiba Pisino, a zo Pasin hiziv

Lec'hiadur darn eus ar foibe en Istria ha tro-war-dro

Rannadur Venezia Giulia entre Even 1945 ha Gwengolo 1947, an takad A en roz-glas, an takad B en gwer, al linenn Morgan en ruz, douar dieub Trieste en melen ha harzoù 1954 en glas.

Lazhadegoù ar foibe zo lazhadegoù graet en Istria, er foibe (liester ar ger foiba, hag a dalv kement ha "fezier"). Meur a lazhadeg a c'hoarvezas enne, met brudet eo ar re a c'hoarvezas e dibenn an Eil Brezel-bed, pa zeuas bagadoù komunourien eus Yougoslavia da aloubiñ kêr Drieste. Miliadoù a dud a vije bet lazhet e Venezia Giulia, Istria ha Dalmatia, ha taolet o c'horfoù e fezier naturel. N'eo ket sur e vijent bet lazhet holl gant komunourien eus Yougoslavia avat, rak lazhadegoù ivez a voe graet gant Alamaned ha faskourien italian.

Petra eo ar foibe

Ur foiba.

« Foiba » zo un anv italianek lec'hel deuet eus ar friouleg, hag a vez graet eus fozioù don a gaver er c'harst, er c'hornad-se eus Istria. War-dro 1 700 eus ar fezier-se a gonter el ledenez.

Istor

Bloavezhioù 1920

En Istria, er {bloavezhioù 1920, e voe implijet ar foibe gant ar faskourien evit kaout an dizober eus ar Slaved.

Eil Brezel-bed

Miliadoù a dud, hag italianegerien an darn vrasañ anezho (entre 4000 ha 12000), ha 17000 en holl, a voe taolet er fozioù , marv pe vev, ha dreist-holl gant partizaned ar marichal Tito.

• 
  Foiba Basovizza, e-kichen Trieste