L'Atalante
L'Atalante zo ur film gallek, sevenet e gwenn ha du gant ar filmaozour gall Jean Vigo e 1934 : ar film hir nemetañ bet sevenet gant Jean Vigo (1905-1934) a varvas nebeut amzer war-lerc'h, skoet gant ur septikemiezh.
Fichenn deknikel
[kemmañ | kemmañ ar vammenn]- Doare : Drama,
- Skoazellerien-sevener : Pierre Merle hag Albert Riéra,
- Senario ha divizoù : Jean Guinée, Albert Riéra ha Jean Vigo,
- Kevredadoù produiñ : Argui-Films ha Gaumont-Franco Film-Aubert,
- Produour : Jacques-Louis Nounez,
- Rener produiñ : ,
- Kevredad dasparzhañ : Gaumont-Franco Film-Aubert,
- Rener ar skeudenniñ : Boris Kaufman,
- Ijinour ar son : Marcel Royné,
- Aozerien ar sonerezh orin : Charles Goldblatt ha Maurice Jaubert,
- Kinklour : Francis Jourdain,
- Farder : Acho Chakatouny,
- Skriptourez : Jacqueline Morland,
- Frammer : Louis Chavance,
- Luc'hskeudenner leurenn : ,
- Prantad filmañ : ,
- Lec'hioù filmañ : Pariz (Seine), An Havr-Nevez (Seine-Maritime), Maisons-Alfort (Val-de-Marne a-vremañ), Conflans-Sainte-Honorine, Maurecourt (Yvelines a-vremañ),
- Deiziad dont er-maez : 24 a viz Ebrel (e salioù 'zo,
Bro-C'hall) ha 12 a viz Gwengolo (Pariz) 1934, - Padelezh : 89'.
Diwar-benn titl ar film
[kemmañ | kemmañ ar vammenn]E 1932 e oa deuet er-maez Parlami d'amore Mariù, ur sonenn kanet gant Vittorio De Sica er film Gli uomini, che mascalzoni... (sevenet gant Mario Camerini). Azasaet e galleg gant André de Badet e reas berzh bras ar ganaouenn e Bro-C'hall pa voe kanet e 1933 gant Lys Gauty, kemmet he zitl e Le Chaland qui passe. Dre ma tremene o film e metoù ar bageerezh e kavas fin ar broduourien tennañ splet eus ar ganaouenn vrudet ha setu ma voe cheñchet anv ar film e Le Chaland qui passe e-pad un nebeud mizvezhioù... kent distreiñ d'an titl orin.
An danvez
[kemmañ | kemmañ ar vammenn]Mestr ar gobar L'Atalante eo Jean hag eurediñ a ra da Juliette, ur gêriadennadez yaouank. Kenkent hag echu an eured e vage an dud nevez war-du Pariz, leuniet kalon Juliette a levenez. Koulskoude ne vo ket Jean evit bale e wreg e kêr-benn Bro-C'hall dre m'eo distroet Jules gozh, eilmestr ar vag, re ziwezhat ha... mezv-dall. An deiz war-lerc'h e c'hell ar vaouez yaouank mont dre straedoù Belleville gant he gwaz. Hag int deuet tre e-barzh un davarn e tañs Juliette gant ur martolodod : berr e votoù e wallgas Jean an dañser hag adkas a ra e wreg d'ar gobar. Petra bennak m'en divije gourc'hemennet Jean dezhi chom war vourzh ez a Juliette da gantreal d'ar fest nes. Dre na gav ket e wreg e L'Atalante ez a Jean en egar : sevel a ra an eor ha mont kuit. Hec'h-unan-penn ha hep gwenneg ebet en he c'hodelloù e klask fred Juliette e Pariz tra ma ya he gwaz war dristaat diouzh e du. Mont a ra Jules gozh da glask war he lerc'h ha, goude bezañ he c'havet, kas anezhi da Jean en-dro.
Roll ar gomedianed
[kemmañ | kemmañ ar vammenn]- Michel Simon : Jules gozh,
- Jean Dasté : Jean,
- Dita Parlo : Juliette,
- Louis Lefebvre : ar mousig,
- Gilles Margaritis : ar marc'hadour-red,
- Maurice Gilles : ,
- Fanny Clar : mamm Juliette,
- Rafa Diligent : Raspoutine, tad Juliette,
- René Blech : ar paotr a enor,
- Gen Paul : ar c'houviad kamm,
- Charles Dorat : al laer,
- Pierre Prévert : ar beajour pres warnañ,
- Claude Aveline, Lou Bonin, Paul Grimault, Genya Lozinska, Jacques Prévert, Albert Riéra.