Kuzul da C'hortoz ar Su
Kuzul Su da C'hortoz (saozneg: Southern Transitional Council; arabeg: المجلس الانتقالي الجنوبي al-Majlis al-Intiqālī l-Janūbiyy) zo ur strollad disrannour eus Yemen. 26 ezel a zo en aozadur gant pemp gouarnour eus pemp gouarnamant su Yemen ha daou ministrerezh gouarnamant all.
Savet eo bet an aozadur gant ul luskad anvet al Luskad kreizsteizat (al-Ḥirāk al-Janūbiyy pe al-Hirak al-Janoubi). Savet e oa bet al luskad, Luskad kreizsteizat, e 2007, e fin kannad ar prezidant Ali Abdullah Saleh. Palioù diazez an aozadur a zo labourat ha difenn mennozh disrann su Yemen diouzh ar peurrest eus ar vro (evel ma oa betek 1990).
Disklêriet d'an 11 a viz Mae 2017, e-penn ar C'huzul emañ gouarnour Aden, Aidarus al-Zoubaidi, gant ar post prezidant. Ur besprezidant a zo Hani Bin Breik.
Aotreet e oa bet krouidigezh a rC'huzul ur sizhun a-raok an 11 a viz Mae goude disklêriadur Aden a oa bet disoc'h manifestadegoù evit harpañ al-Zoubaidi goude ma vefe skarzhet eus e bost a gouarnour. Ar C'huzul Su da C'hortoz a embann bezañ mestr war darn Su Yemen. Lod izili ar strollad a zo bet gouarnourien Dhale, Shabwah, Hadhramaut, Lahij, Socotra, ha gouarnamant Al Mahrah. Embann a ra kaout un nebeud eus tiriadoù e gouarnamantoù Abyan hag Aden.