Kristof ar Menn
| Kristof ar Menn | |
| |
Krismenn e Gouel an Erer Kozh e 2015
| |
| Alias | Krismenn |
|---|---|
| Anv | Kristof Ar Menn |
| Ganet | 14 a viz Meurzh 1981 Landerne |
| Micher(ioù) | Saver pozioù Soner Kaner Sonaozour |
| Doare(où) | Sonerezh Breizh, Sonerezh a-vremañ, rap |
| Benveg(où) | gourebed, dobro, Taboulinoù, Kan, beat-box |
| Bloavezhioù oberiant | abaoe ar bloavezhioù 2000 |
| Lec'hienn ofisiel | krismenn.com |
| Endro | Jean-Pierre Quéré, Erik Marchand, Erik Menneteau, Gwenola Coic |
kemmañ  |
|
Kristof ar Menn pe Krismenn hervez e anv arzour, a zo ur c'haner kan-ha-diskan, ur saver pozioù ha tonioù hag ur soner gourebed, dobro ha beat-box.
E vuhez, e yaouankiz
[kemmañ | kemmañ ar vammenn]Ganet e oa d'ar 14 a viz Meurzh 1981 e Landerne, tremen a reas e yaouankiz e Plougastell-Daoulaz. Komañset e oa da seniñ tamboulinoù e bagad Plougastell pa oa 11 vloaz ha kroget e oa da seniñ gitar er memes mare. Da 18 vloaz e oa aet da chom da g-Kreiz Breizh da zeskiñ brezhoneg ha kan-ha-diskan gant ar re gozh. Graet en deus studioù war ar brezhoneg e skol-veur Brest hag ar c'hleweled e Roazhon.
Kaner kan-ha-diskan
[kemmañ | kemmañ ar vammenn]Da 17 'vloaz en deus dizoloet ar c'han-ha-diskan. Dedennet gant ar c'han-ha-diskan en deus dibabet mont da zeskiñ an doare-se da ganañ 'ba kostez Poullaouen gant Bastian Gwern ha Jean-Yves ar Rouz. Selaouet en deus dielloù Dastum ivez ha plijet bras eo bet gant kanerien evel Katrin Gwern deus Plouie. Desket en deus kanañ er C'hreiz-Breizh Akademi gant Erik Marchand ivez. Gounezet en deus ar c'han ar bobl e 2002. Beajet en deus en Amerika, India hag Albania evit pinvidikaat e sonerezh, e gan, en ur selaou diouzh sonerezh disheñvel eus hini Breizh.
Kaner a-vremañ
[kemmañ | kemmañ ar vammenn]E-penn kentañ en devoa c'hoant Krismenn da zeskiñ kanañ ar gavotenn nemetken. Met tamm-ha-tamm eo kroget da zeskiñ kanañ dansoù-all hag ivez kanañ rap, e brezhoneg. Sot gant al lusk hag gant pouez-mouezh ar brezhoneg en deus klasket sevel pozioù rap en ur implij rimoù diabarzh ha da lakaat ar c'hlotennoù-se war an taol-mouezh. Kinnig a ra e ganaouennoù war al leurennoù e-unan. Evit an abadenn-se, seniñ a ra gitar dobro, gourebed, beat-box, kanañ a ra ha lakaat a ra ivez un neubeut a enrolladennoù eus tud o komz e brezhoneg. Gant binvioù sonveskañ e lak ar gourebed, ar gitar bodro... da dreiñ hag en em servij a ra eus efedoù ivez, ha tout-se e-unan. Seniñ a ra e doare fest-noz pe e doare ur sonadeg war al leurenn. Ober a ra ar sonerezh a blij dezhañ, selaoù a ra ur bern sonerezh, beajiñ a ra, hag e-barzh e sonerezh en deus tout ar pezh en deus levezonet anezhañ.
Ar Sonerezh
[kemmañ | kemmañ ar vammenn]Sonerien ha strolladoù
[kemmañ | kemmañ ar vammenn]Kanañ a ra kan-ha-diskan gant Jean-Pierre Quéré, Erik Marchand, Erik Menneteau ha Gwenola Coic, hag ivez 'barzh ur strollad fest-noz, Darhaou. Seniñ ha kanañ a ra e solo (e doare fest-noz pe e doare ur sonadeg).
Pladennoù
[kemmañ | kemmañ ar vammenn]- Norkst
- An deirvet gant Darhaou
- EP Krismenn (pladenn 5 titl anezhi) (2011)
- N'om gustumiñ deus an deñ eus an deñvalijenn (2017)
Prizioù
[kemmañ | kemmañ ar vammenn]Gounezet en doa Kan ar bobl e 2002 ha priz kentañ "concours de la chanson écologique" aozet gant "la citrouille" e 2009 gant ar ganaouenn "ar bolitiklaerien" sonet gant toull revr explosion.
Filmoù
[kemmañ | kemmañ ar vammenn]- Philippe Guilloux, Kan ha beat, Carrément à l'Ouest, azvent 2012, Tébéo / TébéSud