Kounlec'h Harozed Kruty

Kounlec'h Harozed Kruty (ukraineg: Меморіал пам'яті героїв Крут) zo ul lec'h enoriñ 500 yaouaer marvet o tifenn Kyiv e-kerzh Emgann Kruty. Pal ar bagad soudarded yaouank a oa daleat Bolcheviked al Lu Ruz. Stourmet eo bet d'an 29 a viz Genver 1918. Ar c'hounlec'h a zo ur golonenn ruz 10 metrad uhelder lec'hiet war un dorgenn. Ouzhpenn-se ez eus ur chapelig gant ur groaz a-us hag ul lenn a zo tro-dro an dorgennoù. Digoret eo bet gant ar prezidant Ukraina Viktor Yushchenko e kêriadenn Kruty, Chernihiv Oblast d'ar 25 a viz Eost 2006.

Istor[kemmañ | kemmañ ar vammenn]

An darvoudoù bet tro-dro kroazent-tren Kruty a oa chomet pell er maez eus an istografiezh komunour, ar pezh a oa bet mammenn d'un toullad mojennoù betek ijinadennoù a-bep tu. Da skouer, penn al Lu Ruz el lec'h Muraviev en doa embannet e oa bet o stourm e-pad daou zevezh o stourm a-enep nerzhioù Broadel Republik Ukraina renet gant Petlura; Ijinadennoù all a oa gant an niver a stourmerien kement hag an niver a c'holloù, etre 500 ha betek milieroù. En gwirionez, Muraviev en doa goulennet daou zevezh evit dont a benn da gempen al linennoù-tren hag an ti-gar, hag adaozañ al lec'h. N'eus ket eus un istimadur ofisiel eus an niver a dud bet kollet en emgann, met hervez an dud emouestlet en emgann, e oa bet lazhet tro 250-300 difenner ukrainiat e Kruty. N'eus nemet anv ar re bet prizoniet a zo deuet betek ennomp. Goude-se e oant bet beziet e bered Askold e Kyiv.