Kaplan Iañ Giray
Kaplan Iañ Giray a oa mab da Selim Iañ Giray ha khan Krimea teir gwech en XVIIIvet kantved.
En nevez-amzer 1715 e krogas ar brezel etre an impalaeriezh otoman ha Venezia. Kaplan Iañ a voe kaset da Vesarabia gant an Otomaned a-benn evezhiañ ouzh Pologn, mirout ouzh ar Rused da zont ha plediñ gant an emsavadegoù a c'hellfe sevel e Moldavia ha Valakia.
E 1724, pa voe skarzhet e vreur Saadet IV Giray diouzh Krimea, e voe kinniget dezhañ gant ar vizir otoman pignat en-dro war tron ar c'hanat. Nac'h a reas war zigarez en doa c'hoant da vezañ impalaer an Datared ha n'eo ket o bourev[1]. Ur breur all dezhañ, Mengli II Giray, a voe anvet khan Krimea neuze.
Da heul emsavadeg miz Gwengolo 1730 en Istanbul a voe kaoz eus skarzhadenn ar sultan Ahmet III hag ar c'han Mengli II e voe adlakaet Kaplan Iañ evit an trede gwech war tron Krimea.
E miz Mae 1736 e voe taget Krimea gant ar Rused ha ne voe ket Kaplan Iañ evit stankañ an hent outo e Perekop. Distrujet e voe neuze meur a gêr datar, en o zouez ar gêrbenn Bahçesaray, Gözleve hag Aqmescit. Kuitaat a rejont al ledenez e miz Gouere 1736. Diwar-se e voe tennet e garg digant Kaplan Iañ ha lakaet Fetih II Giray en e blas.
| En e raok: Gazi III Giray |
Khan Krimea .svg){kind=icon} 1707 – 1708 |
War e lerc'h: Devlet II Giray |
| En e raok: Devlet II Giray |
Khan Krimea 1713 – 1716 |
War e lerc'h: Devlet III Giray |
| En e raok: Mengli II Giray |
Khan Krimea 1730 – 1736 |
War e lerc'h: Fetih II Giray |
Mammenn
[kemmañ | kemmañ ar vammenn]- Le khanat de Crimée et les campagnes militaires de l'Empire ottoman : Fin du XVIIe-début du XVIIIe siècle, 1687-1736 gant Dilek Desaive e Cahiers du monde russe et soviétique niverenn 11-1, 1970
- Les Tatars de Crimée et la seconde élection de Stanislas Leszczynski gant Gilles Veinstein e Cahiers du monde russe et soviétique niverenn 11-1, 1970
Notennoù ha daveoù
[kemmañ | kemmañ ar vammenn]- ↑ Ch. de Peyssonnel, eñvorennoù, 1755