Gwarthaf

Cantref Gwarthaf hag he c'hombodoù

Gwarthaf a oa unan eus seizh kantrev Rouantelezh Dyfed, ha goude eus Deheubarth, e Kembre, er Grennamzer. Klotañ a ra gant un darn eus gevred Sir Benfro ha kornôg Sir Gaerfyrddin hiriv.

Kantrevoù amezek

• Kantrevoù Penfro ha Daugleddau er c'hornôg.
• Uwch Nyfer e kantrev Cemais ha kantrev Emlyn en hanternoz.
• Kombod Gwidigada e Cantref Mawr ha kombod Cydweli e kantrev Eginog er reter.

Kombodoù

Eizh kombod a oa e kantrev Gwarthaf.

• Efelffre
• Peuliniog
• Talacharn
• Amgoed (Henllan Amgoed)
• Ystlwyf
• Penrhyn
• Derllys
• Elfed

E Gwarthaf edo Arberth, unan eus lezioù pouezusañ Dyfed, meneget e Pedair Cainc y Mabinogi, ha Caerfyrddin, krouet gant ar Romaned. Ennañ ivez edo lez ar roue e Hendy-gwyn ar Daf, ma voe manati gant Sistersianed Kembre.