Kaiserliche Marine
| Deiziad krouiñ | 1871  |
|---|---|
| Brezel | brezel diabarzh Samoa |
| Stad | Impalaeriezh alaman |
| Perc'henn war | SMS Goeben |
| Raklec'hiet gant | Morlu Prusia |
| Heuliet gant | Reichsmarine |
| Deiziad divodañ | 1918 |
| Item operated | Imperial German Navy fleet, SM UC-61 |
| Order of battle | Imperial German Navy order of battle |
| Roll elfennoù | listenn bigi Morlu Impalaeriezh Alamagn |
.svg)
.svg)
.svg)
Morlu Impalaeriezh Alamagn (alamaneg: Kaiserliche Marine, "Morlu Impalaeriel") a oa ur morlu krouet gant an Impalaeriezh alaman. Padet e oa etre 1871 ha 1919, ganet diwar ar Morlu prusian dister (adalek 1867 Norddeutsche Bundesmarine), a oa bet savet da gentañ evel ur flodad difenn arvorel. An impalaer Wilhelm II en doa diorroet kalz ar morlu hag e gefridioù. Penn diazez ar morlu impalaeriel alaman a oa an amiral Alfred von Tirpitz, en doa gwellaat ha brasaat ar morlu. Ouzhpenn-se en devoa adimplijet mennozhioù ha kadoniezhoù ar prederour brezel stadunanat Alfred Thayer Mahan.
An disoc'h a oa bet ur redadeg etre ar Morlu alaman hag ar Royal Navy saoz, pa oa hini an Alamanted o tont da vezañ un nerzh milourel war vor kreñv. Deuet e oa a-benn da vezañ an eil morlu er bed, just a-dreñv ar Royal Navy. E-pad ar C'hentañ Brezel-bed e oa bet riñset ar morlu alaman war c'horre; e-pad an emgann meur nemetañ, Emgann Jutland, ne oa bet trec'her anat ebet. En desped da-se, ar flodad listri-spluj hag a oa bet diwanet kalz e-pad ar brezel a oa bet efedus-tre hag a blante bec'h war linennoù pourvezioù Breizh-Veur. E 1919, listri-brezel ar Morlu impalaeriel alaman a oa bet roet d'ar Gevredidi, met a oa bet kaset d'ar strad e Scapa Flow gant ar vartoloded alaman o-unan.
An holl vigi brezel eus ar C'haiserliche Marine a oa e deroù o anv gant an teir lizherenn SMS, evit Seiner Majestät Schiff.
Torfedoù brezel
[kemmañ | kemmañ ar vammenn]
Morlu Impalaeriezh Alamagn a zo bet kablus eus torfedoù brezel sevenet e-kerzh ar C'hentañ Brezel-bed. E-touez ar re-se ar re brudetañ a zo:
- Argadenn war Scarborough, Hartlepool ha Whitby e 1914, lec'h ma oa bet bombezet meur a borzh Saoz ha lazhet 112 trevour. [1]
- Kampagn an U-Boot. preizhañ, a redia ar preizher kenwerzhel da gelaouiñ ar palioù a-raok tagañ evit ma vije amzer gant ar bourzhidi da derc'hout kuit ar pezh na voe ket graet ha Bigi kenwerzh a voe kaset d'ar strad hep ober diforc'h etre broadelezh, lestr-karg, pal ar beaj... Goude 1915 ha kaset d'ar strad an RMS Lusitania e voe paouezet, met adkroget a-benn ar fin e miz C'hwevrer 1917. Kerseet e oa bet poblañs Stadoù-Unanet Amerika, ar pezh a lakao SUA da gemer perzh er brezel-bed e tu ar Gevredidi.[2]
- Lazhadenn ar c'habiten trevour Charles Fryatt, pa oa, e penn ar vag dezougen-tud SS Brussels, hag en doa klasket stekiñ ouzh al lestr-spluj U-boot SM U-33[3]
- Kaset d'ar strad ar bigi ospital HMHS Llandovery Castle, HS Koningin Regentes hag HMHS Dover Castle.Patrom:Sfnp