Kárpátia
.jpg)
Kárpátia zo ur strollad rock broadelour hungarat savet e 2003. Alies e vez adkemeret ganto kanaouennoù hengounel eus ar vro adsavet en un doare modern. Temoù kanaouennoù ar strollad a chom stag ouzh istor ar vro meulganet. Ar strollad a zo ennañ Attila Bankó (tabouliner), Tamás Bíró ha Levente Csizér (gitar), Gábor Galántai (klavieroù), ha János Petrás evit ar c'han ha gitar.
Mennozhioù
[kemmañ | kemmañ ar vammenn]Ma 'z eo brudet ar strollad dre sevel sonerezh savet ha c'hoariet mat, chom a ra ur strollad enep-komunour a-grenn ha kilstourmer. A-wechoù e vez rebechet d'ar strollad bezañ dedennet gant ar mennozhioù nevez-nazi met hep prouenn sklaer. Meulganet e vez tudennoù istorel evel Miklós Horthy ha Ferenc Szálasi a vefe tostik-tost eus Pétain pe Francisco Franco evit Europa ar C'hornôg. Tevel a reont war ar fed e oant bet kablus eus ur politikerezh enep-yuzev.
.jpg)
.svg)
Eus un tu e roont bron da Viktor Orbán met eus un tu all e savont a-du gant ar Jobbik Magyarországért Mozgalom, ur strollad nevez-nazi hungarat. En o c'hanaouennoù e adkaver alies tem Hungaria veur, gant an douaroù hiziv dreist-holl e Roumania. Adkavout a reer ivez un harp a-grenn d'an unvezhioù hungarat a stourmas war Talbenn ar Reter a-enep an Arme Ruz. Kavout a reer raloc'h tem an Nyilaskeresztes Párt, ur strollad faskour ha kenlabourer hungarat gant an Alamanted.
Pladennoù
[kemmañ | kemmañ ar vammenn]Alies e vez adkavet pladennoù Kárpátia er Magyar top-40 eus an industriezh pladennoù en Hungaria Hangfelvétel-kiadók Szövetsége