Viktor Orbán
.jpg)
| Reizh pe jener | paotr  |
|---|---|
| Bro ar geodedouriezh | Hungaria |
| Anv e yezh-vamm an den | Orbán Viktor |
| Anv ganedigezh | Orbán Viktor Mihály |
| Anv-bihan | Viktor |
| Anv-familh | Orbán |
| Deiziad ganedigezh | 31 Mae 1963 |
| Lec'h ganedigezh | Székesfehérvár |
| Tad | Győző Bálint Orbán |
| Mamm | Erzsébet Sípos |
| Breur pe c'hoar | Győző Orbán, Áron Orbán |
| Pried | Anikó Lévai |
| Bugel | Ráhel Orbán, Gáspár Orbán, Sára Orbán, Róza Orbán, Flóra Orbán |
| Yezh vamm | hungareg |
| Yezhoù komzet pe skrivet | saozneg, hungareg |
| Micher | politiker, gwiraour, c'hoarier mell-droad |
| Tachenn labour | Politikerezh, gwir |
| Savlec’h c’hoari pe spesialded | forward |
| Bet war ar studi e | Teleki Blanka high school and junior high school, Eötvös Loránd University, Pembroke College |
| Lec'h labour | Budapest |
| Strollad politikel | Fidesz |
| Bet war ar renk da vezañ dilennet | 2019 European Parliament election in Hungary |
| Ezel ar skipailh sport | Budapesti EAC |
| Relijion pe kredenn | Kalvinouriezh |
| Sport | mell-droad |
| Luskad | Mirouriezh, antiliberalism, right-wing antiglobalism |
| Luskad politikel | tu dehoù pellañ |
| Ideologiezh politikel | neonationalism |
| Lec'hienn ofisiel | http://www.miniszterelnok.hu, https://miniszterelnok.hu/en |
| Deskrivet en URL | http://powerbase.info/index.php/Viktor_Orban, https://dissidenten.eu/laender/ungarn/biografien/viktor-orban/ |
Viktor Orbán (pe Orbán Viktor evel ma lavarer en hungareg, distaget [orbaːn viktor]) (ganet d’an 31 a viz Meurzh 1963 e Székesfehérvár) zo ur politikour hungarat. Kentañ ministr e vro eo bet eus 1998 da 2002 hag adarre abaoe 2010.
Studioù war ar gwir en deus graet e skol-veur Eötvös Loránd Tudományegyetem e Budapest hag en Oxford. E 1988 e oa bet unan eus diazezerien ar strollad Fidesz. E 1990 e oa bet dilennet da gannad e parlamant Hungaria, ha tri bloaz diwezhatoc’h e oa e penn Fidesz. E 1998 e oa deuet da vezañ kentañ ministr ar vro, pa oa bet gounezet ar votadeg gant e strollad Fidesz-MPP.
Dindan e renerezh e oa bet kemmet ideologiezh ar strollad Fidesz, ur strollad frankizour betek 1994 ha deuet da vezañ ur strollad mirour ha broadelour e 1994-1995. Gant se e oa deuet a-benn da c’hounit ar votadeg e 1998 ha deuet e oa Viktor Orbán da vezañ kentañ ministr ar vro. Pa oa tamallet dezhañ e zoare aotrouniek da ren ar strollad hag ar gouarnamant, e voe kollet votadeg 2002 gant Viktor Orbán. Strivet en deus goude-se da adunaniñ ar virourien ha gounezet adarre votadeg 2010, gant e strollad Fidesz-MPP. Deuet e oa da vezañ kentañ ministr Hungaria en-dro da neuze.
Mennozhioù politikel
[kemmañ | kemmañ ar vammenn]Brudet eo Viktor Orban evit kaout mennozhioù mirour ha broadelour rik.
Enep-komunouriezh
[kemmañ | kemmañ ar vammenn]Etre 14 ha 15 vloaz, e voe sekretour an aozadur yaouankiz komunour (KISZ). Orbán a zisklêrias eus ar mare-se e-pad un atersadenn, en devoa kemmet rik e selloù politikel e-pad e servij soudard. Hiziv-an-deiz e tisklêr e oa eñ "hegredik ha kredour" d'ar renad komunour.
Viktor Orban a zo bet enep-komunour dre ma oa e-penn ur strollad mirour, bet e oa bet ivez enep Rusia en ur c'houlenn emezeliñ en NATO. Tostaet eus an Unaniezh europat, goustadik ez eo bet gant mont tostoc'h-tostañ ouzh Rusia Poutin.
Kollet eo bet an enep-komunouriezh gantañ betek chom o komz nebeut eus ar sujed-se.
Liammoù diavaez
[kemmañ | kemmañ ar vammenn]
- ORBÁN Viktor (en hungareg hag e saozneg)