Jair Messias Bolsonaro

Eus Wikipedia
Aller à la navigation Aller à la recherche
Jair Bolsonaro e 2020

Jair Messias Bolsonaro, ganet d'an 21 a viz Meurzh 1955, zo ur politikour brazilian. Bet eo ezel eus kambr deputeed Brazil, en anv stad Rio de Janeiro, abaoe 1991.

Bolsonaro, ganet e Glicério, e stad São Paulo, a voe diplomet e skol vilourel Agulhas Negras e 1977, servijet en doa goude-se e strolladoù kanolierezh hag harzlammerien Lu Brazil. Dont a reas war-wel e 1986, p'en devoa skrivet ur pennad er gazetenn Veja ma rae anv eus goproù izel ar soudarded. Harzet e voe e-pad pemzektez gant al lu en desped d'al lizhiri harp en devoa resevet. Daou vloaz war-lerc'h e oa didamallet.

Bolsonaro en devoa embannet e c'hoant da vezañ war ar renk evit an dilennadegoù prezidant e miz Meurzh 2016 en anv ar Strollad Sokial Kristen. A-benn ar fin ez eas kuit eus ar strollad e 2018 evit emezeliñ er Partido Social Liberal, a roas harp dezhañ evit kampagn dilennadegoù prezidant Brazil e miz Eost 2018. Kemeret en doa da eiler ar jeneral war e leve Hamilton Mourão. Bolsonaro en em ginnig evel ur c'hannad dieub eus ar strolladoù politikel, ha prest da zifenn kreñv pennaennoù ar familh. Tizhet en deus ar c'hentañ plas e tro gentañ an dilennadegoù hollek d'ar 7 a viz Here 2018, Fernando Haddad kannad ar Partido dos Trabalhadores (PT) a errue en eil plas. Dilennet eo bet Bolsonaro e-pad an eil tro d'an 28 a viz Here 2018 evel 38vet prezidant Brazil. Kemer a ra plas Michel Temer (2016-2018).

Soñjoù politikel[kemmañ | kemmañ ar vammenn]

Diktatouriezh

E-pad e vuhez poltikel, Bolsonaro en deus embannet meur a wech e harp d'an diktatouriezh vilourel brazilian a voe e-penn ar vro etre 1964 betek 1985. E 1993 e embanne frank, eizh vloaz war-lerc'h distro an demokratelezh, e oa bet marevezh ar soudarded unan o "tegas ur maread gounid padus da Brazil". Bolsonaro en deus embannet ivez e oa bet "klodus" ar mare-se en istor ar vro, hag e oa bet dre an diktatouriezh vilourel "20 vloaz urzh hag araokadur". E miz Kerzu 2008, Bolsonaro en devoa embannet e oa bet "fazi an diktatouriezh ne oa ket bet ar jahinerez, met ne oa ket bet lazhet (an enebourien)".

Manifestadeg a-enep Jair Bolsonaro e São Paulo e miz Gwengolo 2018.

Buhez personel[kemmañ | kemmañ ar vammenn]

Bolsonaro zo bet dimezet teir gwech. Pemp bugel en deus.