Ingeborg Hunzinger

Ingeborg Hunzinger (2008)

Bez Ingeborg Hunzinger e marvgav an tiegezh Franck, Alter Friedhof Wannsee, Berlin

Ingeborg Hunzinger (3 a viz C'hwevrer 1915 e Berlin – 19 a viz Gouere 2009 e Berlin) a oa ur gizellerez alaman.

Ganet e voe Ingeborg Franck ha yuzev e oa he mamm. E 1932 ec'h emezelas e Strollad komunour Alamagn. E 1935 e stagas gant studiañ an arzoù hag e 1938-1939 e teskas gant Ludwig Kasper. E 1939 e voe difennet outi studiañ pelloc'h gant an nazied, hag e tivroas da Italia ma kejas ouzh al livour alaman Helmut Ruhmer. E 1942 e rankjont distreiñ da Alamagn, daou vugel a voe ganet. Dre ma oa Ingeborg Franck a orin yuzev e voe difennet outo dimeziñ.

Ruhmer a voe lazhet e dibenn an Eil Brezel-bed. Ingeborg Franck a zimezas gant Adolf Hunzinger e-kreiz ar bloavezhioù 1950 hag un terde bugel a voe ganet. Dispartiañ a rejont hag e timezas gant ar c'hizeller Robert Riehl e-kreiz ar bloavezhioù 1960.

E penn-kentañ ar bloavezhioù 1950 e stagas Hunzinger gant he studioù en-dro, e Berlin ar Reter, hag e teskas gant Fritz Cremer ha Gustav Seitz. Kelenn a reas e skol-arzoù Weißensee ha diwar 1953 e voe arzourez war he c'hont. Ezel e voe eus Strollad ar sokialouriezh demokratel.

Hunzinger a oa mamm-gozh ar skrivagnerez Julia Franck.

Un nebeud oberennoù

• 
  Die Erde (1974)
• 
  Block der Frauen
  (savet e 1995) — gwelout: Dibunadegoù Rosenstraße
• 
  Karl Liebknecht (1998)
• 
  Mathilde Jacob (1998)
• 
  Vater und Kind, 1958
• 
  Die Sinnende, 1980,
• 
  Tugenden und Laster des Sozialismus, 1966
• 
  Tugenden und Laster des Sozialismus, 1966
• 
  Tugenden und Laster des Sozialismus, 1966
• 
  Sich Befreiender, 1991
• 
  Die Geschlagene, 1985
• 
  Paar-Alter, 1987
• 
  Der Jüngling, 1987
• 
  Der Knabe, 1986
• 
  Werden, 1987

Da lenn

• Christel Wollmann-Fiedler: Ingeborg Hunzinger. Die Bildhauerin. Wuppertal: HP Nacke Verlag, 2005. ISBN 3-9808059-6-4
• Rengha Rodewill: Einblicke – Künstlerische - Literarische - Politische. Die Bildhauerin Ingeborg Hunzinger. Mit Briefen von Rosa Luxemburg. Karin Kramer Verlag, Berlin 2012, ISBN 978-3-87956-368-3

Daveoù

• "Ingeborg Hunzinger gestorben", Junge Welt (20 a viz Gouere 2009)

Liammoù diavaez

• He buhez ha roll ha skeudennoù hec'h oberennoù e Berlin
• "93-Jährige formt Denkmal für Rosa Luxemburg" gant Kathrin Hedtke, Der Tagesspiegel (15 a viz Ebrel 2008)

Porched Alamagn – Adkavit pennadoù ha rummadoù Wikipedia a denn da Alamagn.