Keit a vinn d'ar Brezel, lec'h ered d'inn monet,
Da biou e roinn-me va dousik da viret ?
— Digasit-hi d’am zi, va breurik, mar keret,
Me hi lako er gambr, gant va dimezelet ;
Me hi lako er gambr gant va dimezelet,
Pe barz ar zal enor, gant ann itronezed.
Enn eunn hevelep pod a vo gret d’hé o bouet,
E'nn hevelep gwélé é ielint da kousket.
Benn eunn nebeut goudé, kaer vijé da gwelet
Porz maner ar Faouet leun a dujentilet ;
Peb kroas ruz var ho skoas, peb marc’h bras, peb banniel
Evit klask ann otrou o fonet d’ar Brezel.
Ne oa et pellik meur er mez diouz ann ti,
Pa oe laret d’hé greg kalz a brezegou kri :
— Diwiskit ho prouz ruz, hag unan gwen gwisket,
Ha ieffet-u d’al lann da beuri al loenet.
— Ho tigaré, va breur, petra em' euz-me gret
Mé né m’oun bet biskoaz da viret al loenet.
— Mar né m'oc’h bet biskoaz da ziwal ann denvet,
Aman zo ma goaf hir a ziskoue d’eoc’h monet.
Bet é épad seiz bloas, né ré nemed wela.
Enn divez ar seiz bloas, n'em lakas da gana.
Hag eur marc’hek iaouank, o tont deuz ann armé
A glevas eur vouez dous kana war ar méné.
Arz, va pachik bihan, krog er brid va marc’h-mé ;
Me glev eur vouez arc'hant kana war ar méné ;
Me glev eur vouezik dous war ar méne kana ;
Hirio a zo seiz bloas m'er c’hleviz diveza.
— Deiz mad a laran d’éoc’h, plac’h iaouank ar méné,
Ha merniet mad hoc’h euz, pa ganit ken gé zé ?
— Ia, merniet mad em'euz, a drugaré Doué :
Gand eunn tam bara zec’h, em'euz debret a mé.
— Livirit, plac’hik koant, o tiwal ann denvet,
Ebarz ar maner ze c'halfenn bout kemeret ?
— O ! ia, zur, va otrou, digemer a keffet
Hag eur marchosi kaer da lakat ho ronset.
Eur gwélé mad a blun ho pezo da kousket,
Evel d'ommé gwech all pa oan gant va priet ;
Ne gouskenn ket neuze er c’hraou touez al loenet,
Nag èr skudel ar c’hi oa gret d'in va bouet.
— Pé lec’h eta, va merc’h, pé lec’h eo ho priet,
Pa gwelan en ho tourn al liamm hoc'h euret ?
— Va friet, va otrou, a zo et d’ann armé ;
E'n devoa bleo melen, melen evel ho ré.
Mar én doa bleo melen, kerkouls evel d'on-mé,
Lakit evez timad na vijé me a vé.
— Ia, me a zo oc'h itroun, ho tous, hag ho priet,
Va hano zo, 'vit gwir, itroun euz ar Faouet.
— Lezit al loenet-ze, ma ieffemp d’ar maner,
Hast ez-euz var 'non-mé da erruout d'ar ger.
— Eur vad did-è, va breur, eur vad did a laran ;
Penaoz ia va friet, em' oa laket aman ?
— Asezit-ta, va breur, kadarn a koant bepred !
Et eo da Keronik, gant ann introunezet.
Et eo da Keronik, lec’h a zo stal meurbet.
Pa zistroio d’ar ger, aman a vo kavet.
Gaou a lavarez d’in ; rak te c'heuz hé kaset
'Vel eur c'hos koskerez da beuri al loenet ;
Gaou a lavarez d’in, e kreiz ta zaou lagat,
Rak hé ma 'dren an nor, eno oc’h huanat.
Tec’h tu-zé gant ar vez ! tec’h kuit, den milliget !
Karget é ta kaloun a gwall hag a péc’het ;
Mar né vé ket aman ti va mamm a va zad,
Me lakafe va c’hlean da ruia gant ta gwad !
|
Endra vinn er brezel lec’h eo red d’in monet,
Da biou e roinn me ma dousik da viret ?
— Digaset-hi d’am zi, va breur-kaer, mar keret
Me hi lakai e kampr gant va zemezeled ;
Me hi lakai e kampr gant va zemezeled,
Pe barz ar zal enor gand ann itronezed.
Enn eunn heveleb poud e vo gret d’he ho boed,
Ouz ann heveleb dol e veint azeet. —
Benn eunn nebeut goude kaer vije da welet
Porz maner ar Faouet leun a zuchentiled ;
Peb kroaz ru war ho skoa, peb marc’h braz, peb banniel,
Evit klask ann otrou da vonet d’ar brezel.
Ne oa ked oet pell-meur er mez demeuz ann ti,
Pa oe laret d’he c’hreg kalz a brezegou kri :
— Diwisket ho prouz-ru, hag unan wenn gwisket,
Red eo monet d’al lann da beuri al loened.
— Ho tigare, va breur ; petra em euz me gret ?
Me ne m’onn bet biskoaz o peuri ann denved.
— Ma n’em-oc’h bet biskoaz o peuri ann denved,
Aman zo ’ma goaf hir a ziskei d’hoc’h monet. —
Bet eo epad seiz vloa, ne re nemed goela ;
Enn divez ar seiz vloa ’n em lakaz da gana.
Hag eur marc’heg iaouang o tont euz ann arme,
A glevaz eur voez dous kana war ar mene.
— Arz, va floc’hik bihan, krog e brid va marc’h-me :
Me glev eur voez argant kana war ar mene ;
Me glev eur voezik flour war ar mene kana ;
Hiriou a zo seiz vloa hi c’hleviz diveza.
— De-mad a larann d’hoc’h, plac’h iaouang ar mene,
Ha merniet mad hoc’h euz pa ganet ken ge se ?
— Ia, merniet mad em euz, a drugare Doue :
Gand eunn tamm bara zec’h em euz debret ame.
— Leret d’in plac’hik koant o peuri ann denved
Hag hen er maner-ze halfenn bout kemeret.
— O ! ia zur, ma otrou, digemer a geffet
Hag eur marchosi kaer da lakat ho ronsed.
Eur gwele mad a blun ho pezo da gousket
Evel-d-on-me gwechall pa oann gant ma fried ;
Ne gouskenn ket neuze er c’hraou gand al loened,
Nag e skudel ar c’hi ne vize gret ma boed.
— Pelec’h eta, ma merc’h, pelec’h ’ma ho pried,
Pa welann enn ho torn liamm euz ho eured ?
— Ma fried, va otrou, a zo eet d’ann arme ;
Bleo melen hir en doa, melen evel ho re.
— Ma en doa bleo melen kerkouls evel-d-on-me,
Laket evez, va merc’h, na vije me a ve ?
— Ia, me eo ho itron, ho tous hag ho pried,
Ma hano zo, e gwir, itron euz ar Faouet.
— Lezet al loened-ze ma ieffemp d’ar maner,
Mall a zo gan-i-me da erruout er ger.
— Eurvad d’id-de, va breur, eurvad d’id a larann ;
Penoz ia ma fried am boa losket aman ?
— Azeet-hu, va breur kadarn ha koant bepred !
Eet eo da Gemperle gand ann itronezed.
Eet eo da Gemperle elec’h ma zo euret,
Pa zistreio d’ar ger aman a vo kavet.
— Gaou a lerez d’in-me ! rag t’ec’h euz he c’haset
Evel eur glaskerez da beuri al loened ;
Gaou a lerez d’in-me e kreiz da zaoulagad,
Rag e ma dreon ann nour, aze, oc’h huanat.
Tec’h tu-ze gand ar vez ! tec’h kuit, breur milliget !
Karget eo da galon a zroug hag a bec’hed !
Ma na ve ti ma mamm, ma na ve ti ma zad ;
Me lakefe va c’hlenv da ruia gand da c’hoad ! —
|
Keit a vinn er brezel lec’h eo red d’in monet,
Da biou e roinn me ma dousik da viret ?
— Digaset-hi d’am zi, va breur-kaer, mar keret
Me hi lakai e kampr gant va zemezeled ;
Me hi lakai e kampr gant va zemezeled,
Pe barz ar zal enor gand ann itronezed.
Enn eunn heveleb poud e vo gret d’he ho boed,
Ouz ann heveleb dol e veint azeet. —
Penn eunn nebeut goude kaer vije da welet
Porz maner ar Faouet leun a zuchentiled ;
Peb kroaz ru war ho skoa, peb marc’h braz, peb banniel.
Evit klask ann otrou da vonet d’ar brezel.
Ne oa ked oet pell-meur er mez demeuz ann ti,
Pa oe laret d’he c’hreg kalz a brezegou kri :
— Diwisket ho prouz-ru, hag unan wenn gwisket,
Red eo monet d’al lann da beuri al loened.
— Ho tigare, va breur; petra em euz me gret ?
Me ne m’onn bet biskoaz o peuri ann denved.
— Ma n’em-oc’h bet biskoaz o peuri ann denved,
Aman zo ma goaf hir a ziskei d’hoc’h monet. —
Bet eo epad seiz vloa, ne re nemed goela ;
Enn divez ar seiz vloa ’n em lakaz da gana.
Hag eur marc’heg iaouang o tont euz ann arme]]
A glevaz eur voez dous kana war ar mene.
— Arz, va floc’hik bihan, krog e brid va marc’h-me ;
Me glev eur voez argant kana war ar mene ;
Me glev eur voezik flour war ar mene kana ;
Hiriou a zo seiz vloa hi c’hleviz diveza.
— De-mad a larann d’hoc’h, plac’h iaouang ar mene :
Ha merniet mad hoc’h euz pa ganet ken ge se ?
— Ia, merniet mad em euz, a drugare Doue :
Gand eunn tamm bara zec’h em euz debret ame.
— Leret d’in plac’hik koant o peuri ann denved
Hag hen er maner-ze halfenn bout kemeret.
— O ! ia zur, ma otrou, digemer a geffet
Hag eur marchosi kaer da lakat ho ronsed.
Eur gwele mad a blun ho pezo da gousket
Evel-d-on-me gwechall pa oann gant ma fried ;
Ne gouskenn ket neuze er c’hraou gand al loened,
Nag e skudel ar c’hi ne vize gret ma boed.
— Pelec’h eta, ma merc’h, pelec’h ’ma ho pried,
Pa welann enn ho torn liamm euz ho eured ?
— Ma fried, va otrou, a zo eet d’ann arme;
Bleo melen hir en doa, melen evel ho re.
— Ma en doa bleo melen kerkouls evel-d-on-me,
Laket evez, va merc’h, na vije me a ve ?
— Ia, me eo ho itron, ho tous hag ho pried,
Ma hano zo, e gwir, itron euz ar Faouet.
— Lezet al loened-ze ma ieffemp d’ar maner,
Mall a zo gan-i-me da erruout er ger.
— Eurvad d’id-de, va breur, eurvad d’id a larann ;
Penoz ia ma fried am boa losket aman ?
— Azeet-hu, va breur kadarn ha koant bepred !
Eet eo da Gemperle gand ann itronezed.
Eet eo da Gemperle elec’h ma zo euret,
Pa zistreio d’ar ger aman a vo kavet.
— Gaou a lerez d’in-me! rag t’ec’h euz he c’haset
Evel eur glaskerez da beuri al loened ;
Gaou a lerez d’in-me e kreiz da zaoulagad,
Rag e ma dreon ann nour, aze, oc’h huanat !
Tec’h tu-ze gand ar vez ! tec’h kuit, breur milliget !
Karget eo da galon a zroug hag a bec’hed !
Ma na ve ti ma mamm, ma na ve ti ma zad ;
Me lakefe va c’hlenv da ruia gand da wad ! —
|
.svg)