Fusil Modèle 1777
| Fusil Modèle 1777 | |
|---|---|
 Ur mousked Modèle 1777, stumm kemmet Bloaz IX (1801) | |
| Kinnig | |
| Bro orin |  Rouantelezh Bro-C'hall |
| Doare ha mont en-dro | Mousked, platinenn-gailhastr, kartouchennoù paper gant poultr du |
| Kalibr ar boled | .69 (17,52 mm) |
| Produer | Manufacture d'armes de Charleville |
| Mare produiñ | 1777 - bloavezhioù 1830 |
| Perzhioù teknikel | |
| Mas (hep kartouchenn) | 4,2 kg |
| Hirder | 1 520 mm |
| Hirder (gant e vaionetez) | 1 920 mm |
| Hirder ar c'hanol | 1 140 mm |
| Hed-tenn pleustrek | 150 m |
| Lusk-tennañ teorikel | Hervez an tenner, peurliesañ 2 pe 3 zenn/mn |
| Lezenn | |
| Rummad e Bro-C'hall | D |
Ar Fusil Modèle 1777 (hervez e anv en arme c'hall), anvet mousked Charleville ivez evel armoù all eus an XVIIIvet kantved produet er memes lec'h, a oa ur mousked deveret eus armoù savet a-hed an XVIIIvet kantved e labouradeg Charleville (Ardennes) evit pourvezañ armeoù rouantelezh Frañs. Kemmet e voe meur a wech goude, hag implijet e voe gant kalz soudarded da vare an Dispac'h Gall pe brezelioù Napoleon.
Deskrivadur
[kemmañ | kemmañ ar vammenn]Ar fuzuilh Modèle 1777 zo un arm-skoaz un-tenn, karget dre e veg, pourvezet gant ur gartouchenn-baper enni ur boled 17,5 mm e dreuzkiz ha poultr du. E blatinenn-gailhastr a oa solut-tre, p'eo bet diskouezet gant amprouennoù e c'halle tennañ 25 000 gwech hep chom boud[1]. Pa veze savet e vaionetez warnañ e c'halle ar mousked bezañ 1,92 m a hirder dezhañ ha bezañ implijet evel un arm gwenn a-enep d'ar marc'hegerezh.
Ar Modèle 1777 zo brudet evit bezañ bet ar fuzuilh kentañ dezhi pezhioù 'zo kemm-digemm a c'halled sevel war skouerennoù all eus an arm[1]. Kement-mañ a e-zeuas diwar labour Jean-Baptiste Vaquette de Gribeauval, ijinour hag ofiser, a lakaas krouiñ gant Honoré Blanc ur c'houfrig ennañ 41 gobari eus pezhioù an arm, evit ma vije produet skouerennoù standart anezhañ. Aweniñ a reas Thomas Jefferson pa oa kannad ar Stadoù-Unanet e Frañs. Ur wech distroet d'e vrevit an US Army nevez[2].
Stummoù all eus an arm a voe savet evel e 1801 (anvet modifié an IX, kemmet bloaz IX), hag adstummoù a bep seurt mentoù evit ar marc'hegerezh da skouer, met chom a reas ar Modèle 1777 e servij en armeoù gall hep bezañ kemmet da vat betek monarkiezh miz Gouere ha dibenn ar bloavezhioù 1840[1].
War-dro daou vilion a skouerennoù anezhañ zo bet produet en holl[3]. Ar re implijet da vare brezelioù Napoleon a zo ral a-walc'h, abalamour dezhe bezañ bet uzet ha gwallgaset a-wechoù war an tachennoù-emgann. Al lod brasañ anezhe a voe kaset d'an distruj goude 1815[4]. Kopiennoù modern eus adstummoù an arm a zo bet produet gant an embregerezh italian Pedersoli[5].
Daveennoù
[kemmañ | kemmañ ar vammenn]- 1 2 3 (fr) Le fusil d'infanterie modèle 1777, levrig embannet gant mirdi an Arme (Pariz) (pellgarget d'ar 14/10/2024)
- ↑ (fr) POMMIER Christophe, Quao e lakaas sevel 10.000 fuzuilh dezhe platinennoù kemm-digemm nd l'armurerie invente la standardisation, Sciences & Vie Guerres & Histoire n°41, miz C'hwevrer 2018, pp. 64-65
- ↑ (fr) HOUDECEK François, Le paquetage du fantassin napoléonien, Napoleon.org (lennet d'ar 14/10/2024)
- ↑ (fr) Le fusil d'infanterie de 17,5 mm modèle 1777 modifié an IX war Armement Réglementaire Français (lennet d'ar 14/10/2024)
- ↑ (fr) Hervez lec'hienn an embregerezh (lennet d'ar 14/10/2024)
