Franjo Tuđman
| Reizh pe jener | paotr  |
|---|---|
| Bro ar geodedouriezh | Kingdom of Serbs, Croats and Slovenes, rouantelezh Yougoslavia, Socijalistička Federativna Republika Jugoslavija, Kroatia |
| Anv e yezh-vamm an den | Franjo Tuđman |
| Anv-bihan | Franjo |
| Anv-familh | Tuđman |
| Deiziad ganedigezh | 14 Mae 1922 |
| Lec'h ganedigezh | Veliko Trgovišće |
| Deiziad ar marv | 10 Kzu 1999 |
| Lec'h ar marv | Zagreb |
| Doare mervel | abeg naturel |
| Abeg ar marv | krign-bev |
| Lec'h douaridigezh | Mirogoj |
| Pried | Ankica Tuđman |
| Bugel | Miroslav Tuđman |
| Yezhoù komzet pe skrivet | kroateg |
| Micher | politiker, Komiser politikel, kelenner skol-veur, istorour |
| Implijer | Croatian Institute of History, Faculty of Political Sciences in Zagreb |
| Karg | representative in the Croatian Parliament |
| Bet war ar studi e | Military Academy Belgrade, University of Zadar |
| Diplom skol-veur | doktorelezh |
| Strollad politikel | Croatian Democratic Union, League of Communists of Yugoslavia, League of Communists of Croatia |
| Bet war ar renk da vezañ dilennet | 1992 Croatian presidential election, 1997 Croatian presidential election |
| Grad milourel | major jeneral, Q119051883 |
| Brezel | Eil Brezel-bed |
| Skour lu | Armed Forces of the Republic of Croatia |
| Oberennoù zo en dastumad | C.A.D.D.Y. Bulletin Collection, Franjo Tuđman Website |
| Anvet diwar | tad-kozh |
| Ezel eus | Croatian Academy of Sciences and Arts |
| Lec'hienn ofisiel | https://www.tudjman.hr/ |
| Statud e wirioù aozer | Oberennoù dezhe gwirioù aozer |
Franjo Tuđman [ˈfraːɲɔ ˈtudʑman] (14 a viz Mae 1922 e Veliko Trgovišće - 10 a viz Kerzu 1999 e Zagreb), skrivet ivez Tudjman, a oa un ofiser, istorour ha politiker eus Kroatia.
Stourm a reas e-pad an Eil Brezel-bed e-touez ar Bartizaned, a-du gant Tito.
Er bloavezhioù 1950 e voe unan eus jeneraled yaouankañ arme Yougoslavia. Kuitaat a reas an arme e 1961 ha sevel an Institut za historiju radničkoga pokreta Hrvatske (Ensavadur evit istor luskad labourerien Kroatia), renet gantañ betek 1967.
E 1971 e voe kondaonet da zaou vloaz toull-bac'h dre m'en doa kemeret perzh en "Nevez-amzer kroat", ul luskad da c'hounit muioc'h a wirioù evit Kroatia e-barzh Republik Yougoslavia. Lezet e voe da vont goude nav miz er vac'h. E 1981 e voe toullbac'het adarre abalamour d'e vennozhioù broadelour.
D'an 30 a viz Mae 1990 e voe dilennet da brezidant republik yougoslavat Kroatia. Goude ma voe embannet dizalc'hiezh Kroatia d'ar 25 a viz Mezheven 1991 e voe brezel etre ar stad nevez hag arme Yougoslavia. Harz-an-tan a voe sinet e 1992 met kenderc'hel a reas ar brezel e Bosnia ha Herzegovina. Franjo Tuđman a voe dilennet da brezidant kentañ republik nevez Kroatia d'an 2 a viz Gwengolo 1992.
D'ar 15 a viz Mezheven 1997 e voe addilennet Tuđman da brezidant Kroatia ha chom a reas er garg-se betek e varv. Evit kalz Kroatiz ez eo un haroz broadel hag en deus savet Kroatia dizalc'h, met e-maez ar vro e voe tamallet dezhañ bezañ kemeret perzh e torfedoù brezel pa voe lazhet ha skarzhet Serbed eus Kroatia dindan e renerezh.
