Françoise Élie
| Reizh pe jener | plac'h  |
|---|---|
| Bro ar geodedouriezh | Frañs |
| Anv ganedigezh | Françoise Quinton |
| Anv-bihan | Françoise |
| Anv-familh | Élie |
| Lesanv | le Prophète |
| Deiziad ganedigezh | 16 Gwe 1906 |
| Lec'h ganedigezh | Felger |
| Deiziad ar marv | 14 Gou 1968 |
| Yezhoù komzet pe skrivet | galleg |
| Micher | grocer, ezel eus ar Rezistañs c'hall |
| Brezel | Eil Brezel-bed |
| Prizioù resevet | Officer of the Legion of Honour, Croix de guerre 1939–1945, Médaille de la Résistance, Medal of Freedom |
Françoise Jeanne Marie Quinton, deuet da vezañ Françoise Elie goude bezañ dimezet e 1927, ha lesanvet ivez “Le Prophète” er rezistañs, ur vaouez c’hall ganet d’ar 16 a viz Gwengolo 1906 e Felger en Il-ha-Gwilen ha marvet d’ar 14 a viz gouere 1968. Ispiserez ha resitantez e oa.[1][2]
He buhez[kemmañ | kemmañ ar vammenn]
Bugaleaj ha deskadurezh[kemmañ | kemmañ ar vammenn]
Françoise a oa ganet d’ar 16 a viz Gwengolo, diwar un tad miliner. Graet he deus he studioù e Felger betek he16 vloaz ha goude bezañ tapet he breved he deus labouret en un uzin boteier evel kontourez[1].
Buhez micherel[kemmañ | kemmañ ar vammenn]
D’ar 26 a viz Ebrel 1927 e timezas gant François Elie ha mont a rejont da vevañ e Sant-Maloù, goude prenañ eno ur stal ispisiri. Ur bloavezh goude e voe ganet he bugel kentañ, François. E 1930 ez eas ar familh war-gresk c’hoazh gant ganedigezh ur plac’h anvet Micheline.
Kudennoù o doa gant ar stal ispisiri rak stank e oa ar pratikoù e-pad an hañv, met ne deue den ebet e-pad ar goañv. Daou vloaz goude neuze e krogjont da glask ul lec’h all evit en em staliañ. Goude bezañ soñjet e Kemper da gentañ o doa choazet em em staliañ e Roazhon e-lec’h ma kavjont ur stal e kreiz-kêr e-kichen an ti-kêr. Stal ispisiri Carthage e oa.
Rezistañs[kemmañ | kemmañ ar vammenn]
Obererezhioù rezistañs[1][2][kemmañ | kemmañ ar vammenn]
E-pad an Eil Brezel bed e teuas da vezañ ur rezistantez ha kemer a reas perzh er rouedad Bordeaux-Loupiac krouet gant Jean-Claude Camors ha renet gant André Heurtier evit takad Roazhon, apotiker e Roazhon. Ar rouedad-mañ a oa arbennikaet war ar sikour harzlammerien ha nijerien amerikan da dec’hout kuit. Ar stal ispisiri a servije evel penngarter evit resev lizhiri, degemer ar re nevez hag all.
Harzadur ha deportiñ[2][kemmañ | kemmañ ar vammenn]
Harzet eo bet Françoise d’ar 7 a viz Mezheven 1944 ha deportet. Erruout a reas e kamp-tolp Neuengamme d’an 3 a viz Eost 1944.