Eugène Bouché

Eus Wikipedia
Sauter à la navigation Sauter à la recherche

Eugène-Ange-Marie Bouché, bet ganet e Rostrenn (Aodoù-an-Hanternoz, Breizh) d'ar 7 a viz Gwengolo 1828 ha marvet d'ar 4 a viz Mezheven 1888 e Landreger (Aodoù-an-Hanternoz), a oa un den a iliz breizhat.

Beleget d'an 22 a viz Kerzu 1855 e voe anvet da eskob Sant-Brieg ha Landreger[1] d'an 20 a viz Gwengolo 1882 (peureskobet e Roma d'ar 25 a viz Gwengolo ha sakret en iliz-veur Sant-Brieg d'an 30 a viz Du da-heul).

Gantañ e voe kaset da benn adsavadur bez Erwan Helouri a oa bet distrujet en iliz-veur Landreger gant ar soudarded republikan e penn-kentañ miz Mae 1794 (e-pad an Dispac'h Gall). En abeg da se eo e voe lesanvet "eskob Zant Ervoan". Siwazh dezhañ ne voe ket evit kemer perzh e lid-digeriñ ar monumant nevez dre mard eas da Anaon a-raok ar 6 a viz Gwengolo 1888, an deiziad ma oa bet raktreset delc'her ar gouel meur.

Anvet e voe Pierre-Marie Fallières (1834-1906) war e lerc'h.

Notennoù[kemmañ | kemmañ ar vammenn]

  1. Da-heul Augustin David (1812-1882).