Estry

Estry
An ivinenn.
Melestradurezh
Stad	Frañs
Rannvro	Normandi
Departamant	Calvados
Arondisamant	Vire
Kanton	Condé-sur-Noireau
Kod kumun	14253
Kod post	14410
Maer Amzer gefridi	Gilbert Louis 2014-2015
Etrekumuniezh	Communauté de communes du canton de Vassy
Poblañsouriezh
Poblañs	ann. (2019)
Douaroniezh
Daveennoù lec'hiañ	48° 53′ 50″ Norzh 0° 44′ 07″ Kornôg 48° 53′ 50″ Norzh 0° 44′ 07″ Kornôg
Uhelderioù	bihanañ 143 m — brasañ 245 m
Gorread	10,75 km²
Lec'hiadur
Estry

Estry a oa ur gêriadenn hag ur gumun eus departamant Calvados e Bro-C'hall.

Bodet e oa gant 13 kumun all d'ar 1añ a viz Genver 2016 d'ober ur gumun nevez: Valdallière.

Gerdarzh

• Stauriacum e 832-850 hag Atreium e 1180, deuet eus an anv-den germanek Asthar emichañs.

Istor

XVIII^vet kantved

• Krouet e voe ur skol foran paotred ha merc'hed gant Jacques Olivier, ur bourc'hiz eus Versailhez.

XX^vet kantved

Eil brezel-bed, 1944:

• trizek den nann-soudard a varvas en Estry abalamour d'ar brezel, unan anezhe e miz Meurzh, seizh e miz Eost e-pad Emgann Normandi (unan anezhe a voe lazhet gant an Alamaned), tri e miz Gwengolo, gant ur babig en o mesk, unan e miz Here hag unan e miz Kerzu, ur plac'hig bet lazhet gant un darzhadenn; eizh a varvas abalamour d'ar bombezadegoù bet graet e penn-kentañ miz Eost;
• Oberadenn Bluecoat: tapet dre sourpren e voe an Alamaned gant tagadenn ar Vreizhveuriz e penn-kentañ miz Eost. Diwar goulenn ar Jeneral Eberbach, penn ar Panzer-Gruppe West e teuas an 9vet SS Panzer-Division Hohenstaufen gant herr d'en em lakaat e tu-kleiz ar 21añ Panzer-Division e bro Vire e noz an 2 evit klask miret ouzh an dagadenn gant tankoù ar Rouantelezh-Unanet. E-doug an devezh ez eas tankoù ar Guards Division dober un tamm gweladenn betek Estry. Graet e voe un enep-tagadenn gant an Alamaned an deiz war-lerc'h hag an 11vet Armoured Division a rankas kilañ e kreisteiz Le Bény-Bocage. En hevelep devezh e voe taget Estry gant ar 2nd Irish Guards hag ar 5th Coldstream Guards met kazeg a rejont: kollet e voe tro pemzek tank Sherman gante abalamour d'un tank Panther. Dre ma rankas ar 21añ Panzer-Division mont d'ober kefridi all e rankas 9vet SS Panzer-Division Hohenstaufen sevel un linenn difenn nevez. D'ar 5 e kilas an Alamaned adarre hag e treuzjont Estry didan ur ganolierezh stank. Gwashoc'h e teuas an traoù evit an Alamaned pa voe tennet unanadoù eus an 9vet SS Panzer-Division Hohenstaufen kuit eus an talbenn evit prientiñ an dagadenn davet Mortain. D'an 8 e voe kanoliataet Estry gant an Alamaned evit miret ouzh ar Gevredidi dont tre er vourc'h. Ur wrzh c'hwitet o zaol gant an Alamaned a-enep Mortain (Oberadenn Lüttich) e c'hortoze ar 7vet Lu Alaman an urzh kilañ evit chom hep bout distrujet razh. D'an 13 en em gavas tirlu SUA drek d'an 9vet SS Panzer-Division Hohenstaufen. An Alamaned a gilas hag ar wastadourion a zilezas Estry.

Monumantoù ha traoù heverk

• Ur pikol ivinenn, tro 1600 vloaz dezhi, er vered.
• Iliz katolik Intron-Varia, XIX^vet kantved gant bezioù enni.
• Maner, XVIII^vet kantved.

Eil brezel-bed

• Er blasenn veur, dirak ar maerdi, peulvan King's Own Scottish Borderers, 1st Battalion King's eus 9vet Brigadenn, 3^e Rannlu Troadegiezh, bet kemeret perzh gante e dieubidigezh ar gumun e miz Eost 1944.

Emdroadur ar boblañs 1962-2010

Melestradurezh

Roll maered ar gumun
Mare		Anv	Strollad	Karg
Meurzh 2014	Kerzu 2015	Gilbert Louis
Meurzh 2008	Meurzh 2014	Didier Renouf	digostezenn	Kelennour
Meurzh 2001	Meurzh 2008	Michel Enguehard	digostezenn	Retredad eus ar Post
1974	Meurzh 2001	Gérard Bechet	digostezenn	Labourer-douar
N'eo ket anavezet c'hoazh an holl fedoù.