Eil Divizion Hobregonet SS Das Reich

Eil Divizion Hobregonet SS Das Reich

Panzer division

Rann eus	Waffen-SS
Deiziad krouiñ	1939
Anv er yezh a orin	2. SS-Panzer-Division „Das Reich“
Brezel	Eil Brezel-bed
Korf an arme	Waffen-SS
Stad	Trede Reich
Deiziad divodadur	1945

An Eil Divizion Hobregonet (Panzerdivision) "Das Reich" a voe un divizion eus ar vegenn e Waffen-SS an Alamagn Nazi e-pad an Eil Brezel-bed, savet diwar ar rejimant SS-Verfügungstruppe. An divizion a gemeras perzh en aloubadeg bro-C'hall ha meur a emgann war talbenn ar Reter, evel Emgann Prokhorovka a-enep ar 5vet Arme Hobregonet eus ar Ward rusian en Emgann Kursk. E fin ar brezel e voe kaset d'ar c'hornôg da stourm e Normandi hag en Emgann Bulge, hag echuiñ en Hungaria hag en Aostria. Lazhadegoù Oradour-sur-Glane ha Tulle a voe kaset da benn gant lod eus o ofiserien.

Istor

E miz Eost 1939 e voe lakaet al Leibstandarte SS Adolf Hitler (LSSAH) hag an SS-Verfügungstruppe (SS-VT) dindan renerezh an Oberkommando des Heeres gant Adolf Hitler. Himmler a vroudas pennoù an NSDAP e vefe aotret an SS-VT da stourm dindan gourc'hemenn e urzhier o-unan, tra ma veze klasket gant an OKW kas an SS-VT da get penn-kil-ha-troad. Ne felle ket da Hitler asantiñ ouzh raktres Himmler nag hini an OKW, neuze e reas un trede dibab. Urzhiet e oa bet gantañ e c'hallfe an SS-VT stummiñ e zivizionoù e-unan, a-raok bout dindan gourc'hemenn an arme.

Aozadur

Framm ar rannarme e 1943:

• Burev jeneral
• Eil Batailho-Diaraoger Hobregonet SS
• Eil Rejimant Hobregonet SS
• Trede Rejimant Panzergrenadier SS "Deutschland"
• Pevarvet Rejimant Panzergrenadier SS "Der Fuhrer"
• Eil Batailhon erlec'hiañ Hobregonet SS
• Eil Batailhon-Ijinouriezh Hobregonet SS
• Eil Regiment-Artilherezh Hobregonet SS
• Eil Batailhon-Tank Hobregonet SS
• Eil Batailhon Enep-Nij Hobregonet SS
• Eil Batailhon Hobregonet Banner-rocket SS
• Eil Batailhon-Sinial Hobregonet SS
• Eil strollad pourvezadur Hobregonet SS