Skol-Uhel Kenwerzh Roazhon

Logo ar skol.

Rennes School of Business a zo ur Skol Vras kenwerzh diazezet e Roazhon, kêr-benn Breizh, e Bro-C'hall. Dindan anv Skol Uhel ar C'henwerzh (pe École supérieure de commerce de Rennes e galleg) e oa bet RSB skol kenwerzh kentañ Bro-C'hall.

An Istor

Rennes School of Business, diazezet e 1990, zo ur skol genwerzh troet war an enklask ha lec'hiet e Roazhon. A-feur ma oa bet diorroet ar skol e oa bet brasaet e savadurioù, gant digoradur ar savadur 2 e 2010, ar savadur 3 e 2014 hag ar savadur 4 e 2017. E miz Gwengolo 2021, digoret eo bet ur c'hampus nevez e Pariz.

Ur skol genwerzh etrevroadel eo Rennes School of Business: an hanter eus ar studierien ha 85% eus ar gelennerien a zo o tont eus an estrenvro. Ouzhpenn 100 broadelezh a zo war ar c'hampus. An darn vrasañ eus ar c'hentelioù a zo roet e saozneg.

• 1990 - Krouidigezh Skol Uhel ar C'henwerzh e Roazhon (ESK Roazhon).
• 1996 - Ezel eo ESK Roazhon eus European Foundation for Management Development (EFMD).
• 1998 – Ezel eo ESK Roazhon eus Kuzuliadeg ar Skolioù Bras.
• 2004 – Deuet war wel eus ar Master of Science
• 2004 - Lakaet eo war-sav ar program Bachelor
• 2007 - Dont a ra ar skol da vezañ ESC Rennes School of Business
• 2010 - Digoradur un eil kampus e Roazhon
• 2012 - Akreditadur AACSB
• 2013 - Akreditadur AMBA
• 2014 – Sinet eo bet ar garta Ya d'ar brezhoneg
• 2016 - Adanveet eo ar skol Rennes School of Business
• 2017 - Digoradur ur c'hampus annez evit ar studierien etrevroadel
• 2019 - Krouidigezh Kador ar Geopolitikerezh
• 2020 - Krouidigezh Karg gouarnerezh ar siber-riskloù
• 2021 - Digoradur ur c'hampus nevez e Pariz

An Enklask

Programmoù enklask

• Kinnig a ra Roazhon ar programmoù enklask-mañ :
• MPhil ha doktorelezh (programmoù leunamzer e Roazhon, Frañs, e kenlabour gant Skol-veur Dublin ha Skol-veur Amsterdam)
• Doctor of Business Administration (DBA) (programm darnamzer evit ar sternerien e Sina, Brazil hag e Frañs).
• Aozet eo ar programm Global DBA e kenlabour gant School of Economics and Management eus Skol-veur ar Post hag ar Pellgehentiñ e Beijing e Sina hag (evit ar rakDBA) gant Fundação Getulio Vargas e Rio de Janeiro, e Brazil.

An enklask e Rennes SB a vez aozet e:

• Al labourva enklask a skoazell ar glaskerien hag a aoz an obererezhioù enklask.
• Ar programm doktorelezh evit prientiñ ar studierien e-pad respetad an enklask.
• Kreizenn Unframed Thinking (CUT), kentañ Ensavadur Studioù araokaet lañset en ur skol kenwerzh.

5 kreizenn enklask a labour war sujedoù a-vremañ.

• Gounezvouederezh (AGR)
• Embregerezhioù sturiet gant an IA (AI)
• Merañ ar chadenn pourchas glas, niverel ha troet war ar goulenn (G3M)
• Adsoñjal en aozadur an amzer-da-zont (RTO)
• Marc'hadoù arc'hant ha disoc'hoù an embregerezhioù (FMCO)

Ur Ment etrevroadel

• 85% eus ar gelennerien hag 1 studier diwar 2 zo a orin n'int ket gall
• 100 broadelezh a zo war ar c'hampus
• Programmoù kelennet e saozneg
• Kevredigezh an Alumni : Kevredigezh Alumni RSB a genlabour a-dost gant embregerezhioù etrevroadel a-drugarez da rouedad ar skolidi kozh (ouzhpenn 25 000 a izili e ouzhpenn 100 bro !).

Liammoù diavaez

• (fr) (en) Lec'hienn ofosiel