Divwerzenn

Eus Wikipedia
Sauter à la navigation Sauter à la recherche

Un divwerzenn zo ur barzhoneg, pe un darn eus ur barzhoneg, gant div werzenn.

Krennlavaroù zo a zo anezho divwerzennoù:

Re gravat a boazh,
Re brezeg a noaz.

Er c'hatekiz e veze klasket deskiñ Gourc'hemennoù Doue e stumm divwerzennoù:

Un doue hepken a adori
Ha dreist pep tra a gari.

Un doare da aesaat an deskiñ eo an divwerzennoù, evel an teirgwerzennoù hag ar pedergwerzennoù ivez.

Barzhoniezh vrezhonek[kemmañ | kemmañ ar vammenn]

Un doare eeun da werzaouiñ eo an divwerzenn. An doare-se a gaver er sonioù kozh, hag er sonioù da zañsal, e brezhoneg.

Gant gwerzennoù eizhsilabennek[kemmañ | kemmañ ar vammenn]

Kalzik a sonioù kozh a grog evel-hen:

Selaouit holl 'ta, selaouet
Ur son a zo nevez savet.

Ar re-se neuze a zalc'h da vont gant divwerzennoù.

Gwerz Ker Is, lakomp zo savet evel-se:

Petra 'zo nevez e Kęr Is
Ma'z eo ken drant ar yaouankiz,
Ma klevan-me ar binioů,
Ar vombard hag an telennoù?

Gant gwerzennoù trizeksilabennek[kemmañ | kemmañ ar vammenn]

Tud yaouank a Vreizh-Izel, didostait da glevet
An istor eus ma daeloù ha ma foanioù kalet.

E yezhoù all[kemmañ | kemmañ ar vammenn]

Ce que l'on conçoit bien s'énonce clairement,
Et les mots pour le dire arrivent aisément. (Boileau, Art poétique, Kan I)

Pennadoù kar[kemmañ | kemmañ ar vammenn]