Divwerzenn

Un divwerzenn zo ur barzhoneg, pe un darn eus ur barzhoneg, enni div werzenn klok o ster hep gwerzennoù all.

Krennlavaroù zo a zo divwerzennoù anezho :

Re gravat a boazh,

Re brezeg a noaz.

Er c'hatekiz e veze klasket deskiñ gourc'hemennoù Doue e stumm divwerzennoù :

Un doue hepken a adori

Ha dreist pep tra a gari.

Un doare da aesaat an deskiñ eo an divwerzennoù, evel an teirgwerzennoù hag ar pedergwerzennoù ivez.

Barzhoniezh vrezhonek

Un doare eeun da werzaouiñ eo an divwerzenn. An doare-se a gaver er sonioù kozh, hag er sonioù da zañsal e brezhoneg.

Kalzik a sonioù kozh a grog evel-hen :

Selaouit holl 'ta, selaouet

Ur son a zo nevez savet.

Ar re-se neuze a zalc'h da vont gant divwerzennoù.

Gwerz Ker Is zo savet evel-se :

Petra 'zo nevez e Kęr Is; Ma'z eo ken drant ar yaouankiz,; Ma klevan-me ar binioů,; Ar vombard hag an telennoù ?
Gant gwerzennoù trizeksilabennek

Er ganaouenn Metig :

Tud yaouank a Vreizh-Izel, didostait da glevet

An istor eus ma daeloù ha ma foanioù kalet.

E saozneg ez eo doare Canterbury Tales Geoffrey Chaucer er Grennamzer, hini John Dryden er XVII^vet kantved ha hini Alexander Pope en XVIII^vet kantved.
E galleg e kaver an doare-se da ober e gwerzennoù al lennegezh klasel hag ar c'hoariva klasel, gant Corneille ha Racine, pe gant tud evel Nicolas Boileau :

Ce que l'on conçoit bien s'énonce clairement,

Et les mots pour le dire arrivent aisément. (Boileau, Art poétique, Kan I)^[1]