Ahel Roma-Berlin-Tokyo

Skritell propaganda japanat da-geñver sinadur Emglev an Tri Zu warni poltredoù Adolf Hitler, Fumimaro Konoe ha Benito Mussolini.

An Ahel Roma-Berlin-Tokyo a zo anv an emglev bet savet etre an Nazied e Alamagn, ar faskourien e Italia hag Impalaerezh ar Japan. Deuet eo pa eo bet sinet emglevioù etre Berlin ha Roma da gentañ e miz Du 1936 hag a-nevez e 1939, an Emglev Antikomintern etre Berlin ha Tokyo er memes miz hag Emglev an Tri Zu sinet d'ar 27 a viz Gwengolo etre an tri stad.

War-lerc'h eo bet implijet ar ger Ahel pe Nerzhioù an Ahel a-benn komz eus an holl vroioù o doa stourmet a-enep ar Re Unanet e-pad an Eil Brezel-Bed.