Daniel Kernalegenn

Daniel Kernalegenn en e di, dibenn miz Kerzu 2008

Daniel Kernalegenn a zo troour hag istorour brezhonek. Roet en deus ivez kalzik eus e amzer da gas en-dro ar skolioù brezhonek, Diwan da skouer a voe er burev anezhañ e-pad meur a vloavezh. Bremañ e klask skoazellañ par ma c'hell an embann brezhonek.

Buhez

Ganet eo Daniel Kernalegenn d'an 19 a viz Eost 1952 e Landrevarzeg e Kerne, e-kichen Kemper e kanton Brieg. N'en d'eus ket graet studioù hir er skolioù met tapet en deus ur vachelouriezh F3 (elektronik) e 1970.

Pa oa bihan, e kleve brezhoneg 'vit ar wech, e dud hag e vamm-gozh, a oa o vevañ gantañ, ha ne oa nemet brezhoneg etrezo. Ouzhpenn-se, e oa enno un ostaliri a-ziwar ar maez ganto ha ne veze ken nemet brezhoneg etre an dud. Desket en deus lenn ha skrivañ brezhoneg drezañ e-unan.

Ar skrivagner

Pa oa e-tro 13 vloaz, en deus skrivet traoùigoù bihan, plijout a rae dezhañ lakaat kanaouennoù ar mare-se, re Antoine da skouer, e brezhoneg. Gortozet en deus e 40 vloaz evit skrivañ da vat.

E soñjoù war al lennegezh vrezhonek

« Evel en holl yezhoù ez eus levrioù kaer ha lod all kalz divalavoc'h. Er bloavezhioù tremenet ez eus bet skrivet oberennoù a-feson a gav din. Soñjal a ran dreist-holl e levrioù Mich Beyer pe reoù Yann-Fulup Dupuy pe c'hoazh reoù Fulup Oillo, siwazh ne skrivont ket a-walc'h. Seul vuioc'h e vo skrivet en hor yezh, muioc'h a se e vo a chañsoù da gaout oberennoù a blijo d'an dud hag oberennoù a dalvoudegezh. »

Oberennoù

Troidigezhioù

• Ar vosenn skarlek troet diwar « The scarlet plague » gant Jack London. Embannadurioù Al Lanv, 08/2002. - 120 pajenn. ISBN 2-9511721-4-1
• Colomba troet diwar levr Prosper Mérimée. "Miss Lydia a vlejas gant ar spont, ar c'horonal a gemeras ur fuzuilh ha Colomba a strinkas war-zu toull an nor a-raok m'en dije bet amzer da zerc'hel anezhi." Al Lanv, 2004. ISBN 2-9511721-7-6

     Digeriñ a reas an nor en un taol hag, en he sav war ar pondalez, he daouarn dirazi evit milligañ hec'h enebourien: "E-pelec'h emañ ho kalonegezh ?" a huchas. "Tennañ a rit war merc'hed, war estrañjourien ! Korsiz oc'h ? Gwazed oc'h ?" ».

• Frederig troet diwar un droidigezh c'hallek eus levr Hans Peter Richter « Damais War es Freidrich ». Keit Vimp Bev , 2007. 206 pajenn. ISBN 2-86824-082-8

Oberennoù savet gantañ

• Savet en deus ul levr war anvioù-lec'h Landrevarzeg, 2007.
• Emañ o vont da embann ul levr war istor ar Gernalegenned, goude bezañ bet studiet genealogiezh e familh. 2009 ?

Liammoù

[1], ur pennad-kaoz gant Daniel Kernalegenn diwar gKaouenn.net