Alfred Tennyson

Alfred Tennyson, poltredet gant P. Krämer-Friedrich Bruckmann.

Alfred Tennyson (1809–1892) zo ur barzh saoznek. Barzh Ofisiel ar Rouantelezh (Poet Laureate of Great Britain and Ireland) e voe e-pad an darn vrasañ eus ren ar Rouanez Victoria hag ur barzh saoznek brudet bras.
Pezhioù-c'hoari a savas ivez met ne reas ket berzh gante.

Bommoù pe frazennoù gantañ a vez dibunet aes gant saoznegerien, evel "Nature, red in tooth and claw", "'Tis better to have loved and lost / Than never to have loved at all", "Theirs not to reason why, / Theirs but to do and die", "My strength is as the strength of ten, / Because my heart is pure", "To strive, to seek, to find, and not to yield", "Knowledge comes, but Wisdom lingers", pe "The old order changeth, yielding place to new".

E vuhez

Tennyson a oa ganet e Somersby, e Lincolnshire. E dad, George Clayton Tennyson (1778–1831), a oa person (anglikan) eno, en devoa 12 bugel, hag Alfred e oa ar pevare. Troet e oa an tad gant an arz, livañ ha seniñ a rae. Ne oa ket paour, ha kas a rae e vugale d'an aod e-pad an hañv, da Mablethorpe pe Skegness, en arvor reter Bro-Saoz. E vamm, Elizabeth Fytche (1781–1865), a oa merc'h d'ar beleg Stephen Fytche (1734–1799), kure St. James Church, Louth (1764) ha person Withcall (1780), ur gêriadennig etre Horncastle ha Louth. Evezh a daole an tad ouzh deskadurezh e vugale. Alfred ha daou eus e vreudeur a skrive barzhoniezh pa oant krennarded, ma voe embannet un dastumad eus o oberennoù pa oa 17 vloaz. Unan anezho, Charles Tennyson Turner, a zimezas da Louisa Sellwood, c'hoar yaouank da zanvez pried Alfred; Frederick Tennyson. Ur breur all, Edward Tennyson, a voe kaset da di ar re foll.

"The Garden at Somersby Rectory" gant W. E. F. Britten, tennet eus levr 1901, The Early Poems of Alfred, Lord Tennyson.

Oberennoù

• Poems, Chiefly Lyrical (1830), ma kaver:
  • The Dying Swan
  • The Kraken
  • Mariana
• Lady Clara Vere de Vere (1832)
• Poems (1833):
  • The Lotos-Eaters
  • The Lady of Shalott (1832, 1842) – gant ar pezh-se e voe awenet al livour J.W. Waterhouse (1888, 1894 ha 1916). Kanet gant Loreena McKennitt en hec'h albom The Visit (1991).
  • The Palace of Art
• St. Simeon Stylites (1833)
• Poems (1842):
  • Locksley Hall
  • Tithonus
  • Vision of Sin
  • The Two Voices (1834)
  • "Ulysses" (1833)
• The Princess; A Medley (1847)
  • "The Princess"
  • Now Sleeps the Crimson Petal – Kanet er film Vanity Fair, aozet gant Mychael Danna
  • "Tears, Idle Tears"
• In Memoriam A.H.H. (1849)
• Ring Out, Wild Bells (1850)
• The Eagle (1851)
• The Sister's Shame
• Maud; A Monodrama (1855/1856)
  • Maud
  • The Charge of the Light Brigade (1854) – Enrollet e voe mouezh Tennyson o lenn an oberenn.
• Enoch Arden and Other Poems (1862/1864)
  • Enoch Arden
  • The Brook – ma lenner al linenn "For men may come and men may go, But I go on for ever", diwar-se eo e voe anvet ar c'hleub The Brook e Kêr New York.
• Flower in the crannied wall (1869)
• The Window – Kanaouennoù gant Arthur Sullivan. (1871)
• Harold (1876) – diwar-benn ar roue Harold II
• Idylls of the King (savet etre 1833–1874)
• Locksley Hall Sixty Years After (1886)
• Crossing the Bar (1889)
• The Foresters – pezh-c'hoari, sonerezh gant Arthur Sullivan (1891)
• Kapiolani (embannet goude e varv gant Hallam Tennyson)

E brezhoneg

• ..., ha sed amañ pehini: ldyllis of the King, gant Tennyson, (emañ c'hoazh amañ e Krec'h Eliez al levrig-se, mastaret ar pajennoù anezhañ gant kaoc'h kelien ha duet gant ar moged). Va zammig Buhez, gant Jarl Priel, pajenn 70