Ouest-France

Ouest-France zo ur gazetenn bemdeziek c'hallek graet e Roazhon. Ur gazetenn rannvroel c'hall eo, evel ma tiskouez hec'h anv, hag astenn a ra he zachenn-kazetenniñ e teir rannvro c'hall: Breizh (rannvro), Broioù al Liger, ha Normandi-Izel (rannvro). D'ar Sul e vez embannet ur Ouest-France Dimanche, hanter magazin hanter kazetenn.

Istor

Ti Ouest-France e kreiz-kêr Roazhon, straed ar Pré-Botté. Gwechall e e oa staliet ar renerezh eno, hiziv eo ti kazetennerien kêr Roazhon.

Ouest-France he deus kemeret lec'h L’Ouest-Éclair e 1944. Honnezh a oa bet krouet e 1899, ha berzet gant an aotrouniezh c'hall nevez abalamour ma oa bet kenlabour gant an an enebourien alaman.

Staliet e oa renerezh Ouest-France e-kreiz kêr Roazhon. Met e miz Eost 1972 e voe kaset renerezh ha moulerezh e-maez kêr, da Gantpig, straed ar Breil. Un eil ti-moulañ zo bremañ e Kerc'hevrel, un ugent kilometr bennak eus Naoned.

Pennkazetennerien

• Yves Le Dantec (-1968)
• Eugène Brulé (1968-1986)
• François-Xavier Alix (1986-1991)
• Didier Pillet (1991-2005)
• Jean-Luc Évin (2005-)

Pennadoù kar

• Stroll Ouest-France
• Précom

Lennadurezh

• Guy Delorme, Ouest-France, histoire du premier quotidien français, éditions Apogée, Paris, 2004.
• Henri Fréville, La presse bretonne dans la tourmente (1940-1946), Plon, Paris, 1979. Un testeni a-enep an Emsav politikel ha sevenadurel. Adembannet gant ur goude-skrid a-zindan pluenn Françoise Morvan.

Liammoù diavaez

• Lec'hienn ofisiel Ouest-France. Lenn a c'haller ar gazetenn bemdez aze.
• Cityguide de Ouest-France

Notennoù

Porched Breizh – Adkavit pennadoù ha rummadoù Wikipedia a denn da Vreizh.