Eos : diforc'h etre ar stummoù
hiraat |
DDiverradenn ebet eus ar c'hemm |
||
Linenn 1: | Linenn 1: | ||
'''Eos''' ([[ |
'''Eos''' ([[gregach]]: Έως pe Αύως) a oa un [[Titaned|Ditanez]], doueez tarzh an deiz ha mamm an [[Anemoi]], an [[avel]]ioù, e [[mojenn]]où kozh [[Hellaz]]. |
||
[[Image:Tithonos Eos Louvre G438.jpg|thumb|220px|right|Eos o redek war-lerc'h [[Titon]], [[œnochoé]] [[atek]] gant al livour Akiles, v. [[-470|470]]–[[-460|460 kent JK]], mirdi al [[Louvre]]]] |
[[Image:Tithonos Eos Louvre G438.jpg|thumb|220px|right|Eos o redek war-lerc'h [[Titon]], [[œnochoé]] [[atek]] gant al livour Akiles, v. [[-470|470]]–[[-460|460 kent JK]], mirdi al [[Louvre]]]] |
||
Stumm eus an 15 Gen 2007 da 07:13
Eos (gregach: Έως pe Αύως) a oa un Ditanez, doueez tarzh an deiz ha mamm an Anemoi, an avelioù, e mojennoù kozh Hellaz.
Mojenn
Merc'h eo da Hiperion ha Teia, ha c'hoar eo da Helios (an Heol) ha da Selene (al Loar).
Dimezet eo da d-Titon, ha gantañ e krou Memnon hag Emation. Karet he deus Ares, ha gant-se he desu sachet warni kasoni Afrodit. Kondaonet eo bet gant an doueez da vezañ atav e karantez.
He c'harantezioù
E-touez ar re a garas:
- Orion,
- Kefal
- Eol, doue an avelioù
- an Titan Astraeos, a grou ganti ar pevar avel (Boreas, Notos, Euros haZefiros), hag ar stered.
Emañ o chom e-tal Okean, a zalc'h bed an dud. Bemdez, pa vez ar c'houlz d'an noz da echuiñ, e kuita gwele Titon, hag en he c'harr e red war-zu an Oabl da gemenn d'an doueed donedigezh he breur Helios. Hervez Homeros e vez gantañ a-hed e zevezh. Da noz e tiskenn eus an Olimp da vont d'ar gêr, ha ganti e vez an Eurioù. En trajediennoù e klot gant Hemera, an deiz.
Alies e vez graet ῥοδοδάκτυλος / rhododáktylos (bizied ar roz) anezhi, pe κροκόπεπλος / krokópeplos (sae safranek) pe c'hoazh ἠριγένεια}} / êrigéneia (bugel ar beure).
War al listri pri e vez vez askellek peurvuiañ. A-wechoù ivez he gweler gwisket gant ur ouel hag azezet en ur c'harr sachet gant pevar a gezeg.