Deus'ta !
Deus'ta ! zo ur fest hag ur gevredigezh a zo o fal brudañ ha skoazellañ yezh ha sevenadur Breizh e Bro Brest, en ur veskañ sevenadur ha plijadur. Digor d'an holl ha digoust e vez an abadennoù.
Ratozhioù
[kemmañ | kemmañ ar vammenn]- Skoazellañ kevredigezhioù hag a labour evit ar sevenadur hag evit ar yezh.
- Klask gouzout perak ha penaos deskiñ brezhoneg hiziv.
- Startaat al liammoù etre ar skolioù, bed ar sevenadur hag an dud.
- Mont war-raok asambles gant ur raktres brav, luskus ha plijus.
Istor
[kemmañ | kemmañ ar vammenn]- 2018 : da-geñver he 40 vloaz e voe aozet gant skol Diwan Brest ur pred bras er Gabusined, gant ur fest-noz bras, ur veilhadeg, prezegennoù, kêriadenn ar c'hevredigezhioù, filmoù ; 12 000 a dud a voe.
- 2019 : SKED, Div Yezh ha skolaj Diwan Penn-ar-Bed a gemeras perzh ; 16 000 a dud a voe.
- 2020 : ur stal-labour teulfilmoù a voe savet gant skolioù divyezhek Brest ; kalz a draoù a voe nullet en abeg da vedreuziad ar C'HOVID-19.
- 2021 : kevredigezhioù all eus Brest Meurgêr a voe degemeret en aozadur ; 300 den a-youl-vat hag 20 000 a dud zo bet en holl.
- 2022 : distroet 'vo ar fest er Gabusined d'ar 5 ha 6 a viz Du
Lec'hioù
[kemmañ | kemmañ ar vammenn]
Er Gabusined, ur blasenn publik ha bras e kreiz-kêr Brest, emañ kalon ar fest.
E lec'hiou all e vez degemeret abadennoù a bep seurt : beilhadegoù er Mac Orlan, filmoù er sinema Les Studios, teatr en Astralab (ar Releg), prezegennoù e Skol-Veur Brest gant ar KEBK, hag all.