Danny Elfman

Danny Elfman pe Daniel Robert Elfman a zo ur sonaozour sinema stadunanat.

Ganet eo bet d'an 29 a viz Mae 1953 e Los Angeles, Kalifornia (SUA). Dimezet eo gant ar gomedianez Bridget Fonda.

Kanet ha sonet en deus er strollad Oingo Boingo, etre 1976 ha 1995. An anv The Mystics Knights Of The Oingo Boingo a oa gant ar strollad da gentañ-tout. Seizh albom zo bet savet ganto. Un eizhvet, So-Lo a oa sinet gant anv Danny Elfman hepken. E-touez kanaouennoù brudetañ ar strollad emañ Weird Science. Implijet e oa bet er film (John Hugues, 1985) hag er rummad-filmoù (1994-1997), ar memes titl Weird Science ganto. Er strollad Oingo Boingo e sone gant unan eus e genlabourerien fealañ, Steve Bartek, a gendalc'h da skoazellañ anezhañ hiziv war e sonskridoù evit ar sinema.

Sonaozour muiañ karet Tim Burton eo. Savet en deus sonerezh eus pep brasañ e filmoù. E vouezh a c'heller klevet ivez er film The Nightmare Before Christmas. Reiñ a ra e vouezh d'an haroz Jack, Barrel (unan eus an tri bugel) hag ar furlukin pa gan an tudennoù-se er film. Kanañ a ra ivez an darn vrasañ eus kanaouennoù ar film Charlie and the Chocolate Factory. Ouzhpenn e genlabour feal gant Tim Burton, en deus skoulmet darempredoù gant ar filmaozerien Sam Raimi ha Gus Van Sant.

Savet en deus ivez meur a don evit an tele, en o zouez tonioù The Simpsons, krouet gant Matt Groening, Tales From The Crypt, The Flash, Dilbert, Desperate Housewives...

E 2004 e savas ton pennañ ar c'hoari video Fable, renet gant Peter Molyneux, evit X-Box Microsoft. Ar peurrest eus ar sonerezh zo bet savet gant Russell Shaw.

D'an 23 a viz C'hwevrer 2005 en deus Danny Elfman tañvaet d'ur mod nevez da sevel ha kinnig e sonerezh. D'an deiz-se e Carnegie Hall e oa bet tu da glevet e sonskrid Serenada Schizophrana. Pedet e oa bet gant an American Composers Orchestra da sevel ur sonskrid. C'hwec'h lodenn zo dezhañ, savet evit laz-seniñ ledan, binvioù elektronek, daou biano ha laz-kanañ merc'hed.

Roll filmoù[kemmañ | kemmañ ar vammenn]

1980 : The Forbidden Zone gant Richard Elfman
1985 : Pee Wee's Big Adventure gant Tim Burton
1986 : Back to school gant Alan Metter
1986 : Wisdom gant Emilio Estevez
1988 : Big Top Pee-Wee gant Randal Kleiser
1988 : Scrooged gant Richard Donner
1988 : Midnight Run gant Martin Brest
1988 : Beetlejuice gant Tim Burton
1989 : Batman gant Tim Burton
1990 : Nightbreed gant Clive Barker
1990 : Dick Tracy gant Warren Beatty
1990 : Darkman gant Sam Raimi
1990 : Edward Scissorhands gant Tim Burton
1991 : Pure Luck gant Nadia Tass (daou don gant Elfman, ar peurrest savet gant Jonathan Sheffer)
1991 : Batman Returns gant Tim Burton
1992 : Article 99 gant Howard Deutch
1993 : Evil Dead 3: Army Of Darkness gant Sam Raimi (un ton gant Elfman, ar peurrest savet Joseph LoDuca)
1993 : Sommersby gant Jon Amiel
1994 : Black Beauty gant Caroline Thompson
1994 : Shrunken Heads gant Richard Elfman (un ton gant Elfman, ar peurrest gant Richard Band)
1994 : The Nightmare Before Christmas (mouezh Jack Skellington) gant Henry Selick
1995 : To Die For gant Gus Van Sant
1995 : Dead Presidents gant Albert Hugues hag Allen Hugues
1995 : Dolores Claiborne gant Taylor Hackford
1996 : The Frighteners gant Peter Jackson
1996 : Mission: Impossible gant Brian De Palma
1996 : Extreme Measures gant Michael Apted
1996 : Mars Attacks! gant Tim Burton
1997 : Men in Black gant Barry Sonnenfeld
1997 : Freeway gant Matthew Bright
1997 : Good Will Hunting gant Gus Van Sant
1997 : Flubber gant Les Mayfield
1997 : Scream 2 gant Wes Craven (un ton gant Elfman, ar peurrest savet gant Marco Beltrami)
1998 : Modern Vampires gant Richard Elfman (un ton gant Elfman, ar peurrest gant Michael Wandmacher)
1998 : A Civil Action gant Steven Zaillian
1998 : A Simple Plan gant Sam Raimi
1998 : Instinct gant Jon Turteltaub
1999 : My favorite Martian gant Donald Petrie (un ton gant Elfman, ar peurrest savet gant John Debney)
1999 : Anywhere but here gant Wayne Wang
1999 : Sleepy Hollow gant Tim Burton
2000 : The Family Man gant Brett Ratner
2000 : Proof of Life gant Taylor Hackford
2001 : Spy Kids gant Robert Rodriguez (sonerezh kensavet gant Chris Boardman, John Debney, Gavin Greenaway, Harry Gregson-Williams, Los Lobos ha Heitor Pereira)
2001 : Planet of the Apes gant Tim Burton
2001 : Heartbreakers gant David Mirkin (un ton gant Elfman, ar peurrest savet gant John Debney)
2001 : Novocaine gant David Atkins (daou don gant Elfman, ar peurrest savet gant Steve Bartek)
2002 : Spider-Man gant Sam Raimi
2002 : Men in Black II gant Barry Sonnenfeld
2002 : Red Dragon gant Brett Ratner
2002 : The Hulk gant Ang Lee
2002 : Chicago gant Rob Marshall
2004 : Big Fish gant Tim Burton
2004 : Spider-Man 2 gant Sam Raimi
2005 : Charlie and the Chocolate Factory gant Tim Burton
2005 : Corpse Bride gant Tim Burton
2006 : Deep Sea 3D gant Howard Hall diwar e sonskrid Serenada Schizophrana
2006 : Nacho Libre gant Jared Hess
2006 : Charlotte's Web gant Gary Winick
2007 : Meet The Robinsons gant Stephen J. Anderson
2007 : The Kingdom gant Peter Berg
2008 : Standard Operating Procedure teulfilm gant Errol Morris
2008 : Wanted gant Timur Bekmambetov
2008 : Hellboy II: The Golden Army gant Guillermo del Toro
2008 : Milk gant Gus Van Sant
2009 : Notorious gant George Tillman Jr.
2009 : Terminator Salvation gant McG