Damask

Eus Wikipedia
Mont da : merdeiñ, klask
Damask en noz, eus menez Jabal Qasioun; an traoù gwer a zo minaredoù.

Kêr-benn ha kêr vrasañ Siria eo Damask ( دمشق الشام Dimashq ash-Shām en arabeg). Diazezet e oa bet war-dro -3500 ken e vez kredet e c'hellfe bezañ ar gêr annezet dibaouez koshañ er bed, koshoc'h eget kêrioù Al Fayyoum ha Gaziantep. Poblañs brasjedet : war-dro 4,5 milion a annezidi.

Orin an anv[kemmañ]

En arabeg e vez graet دمشق الشام Dimashq ash-Shām eus ar gêr, berraet e Dimashq, met peurliesañ e vez lavaret ash-Shām hepken gant Sirianed hag Arabed ar broioù nes. Ash-Shām a dalvez an Norzh en arabeg hag anvet e vez Siria ha dreist-holl Siria Veur Bilād ash-Shām — بلاد الشام, “bro an Norzh” — en arabeg. Damask a zeu eus ar gresianeg Δαμασκός, dre al latin diwar ur stumm aramaek דרמשק Darmeśeq, da lavaret eo “lec'h ar puñsoù”. Koulskoude e voe kavet en Ebla tablezennoù kentaramaek gant an anv Damaski evit ur gêr er Su. [1]. Damask a zo bet e-barzh proviñs Amurru, ul lodenn eus rouantelezh Hyksos eus -1720 to -1570.

Douaroniezh[kemmañ]

Lec'hiadur Damask e-barzh Siria

War-hed 80 km eus ribl ar Mor Kreizdouar, e goudor Menezioù Anti-Liban ha war un uhelgompezenn 680 metr uhelded emañ Damask.