Cyfeiliog
Cyfeiliog a oa ur c'hombod krennamzerel e mervent Rouantelezh Powys, tost d'an harzoù gant Rouantelezh Gwynedd ha hini Deheubarth. Stok e oa ouzh kombodoù Mawddwy, Caereinion hag Arwystli e Powys. Er c'hornôg e oa amezek da Ystumanner e Meirionnydd, ur rouantelezh hag a zeuas da vout ur rann eus Powys ha goude eus Gwynedd, da Genau'r Glyn ha kombod Perfedd e Ceredigion (a oa e Rouantelezh Deheubarth).
Kreizenn ar c'hombod a oa e Tafolwern, ma oa lez ha kastell. Meneziek e oa ar vro, ha ne oa ket mat an douar evit gounit edeier.
E 1536 e teuas Cyfeiliog da vout ur rann eus Sir Drefaldwyn. Hiziv emañ e kontelezh Powys.
Levrlennadur
[kemmañ | kemmañ ar vammenn]- Gruffydd Aled Williams, “Bywyd Owain Cyfeiliog”, e-barzh Canu Llywelyn Fardd I ac eraill (Kerdiz, 1994)