Chapel Sant-Yann (Plougastell)
MONUMANT  ISTOREL
|
|---|
 Chapel Sant Yann |
Chapel Sant-Yann zo ur chapel e Plougastell war lez an Elorn. Ur monumant istorel eo abaoe 1932[1].
Istor
[kemmañ | kemmañ ar vammenn]War lez an Elorn e voe savet ur c'hlañvdi gant Herberc'hourien Sant Yann Jeruzalem en XIIvet kantved. Ar chapel he zour mod Kerne zo dediet da sant Yann Vadezour pe Yann ar Badezour. Savet e voe er XVvet kantved. Daou c'hant vloaz war-lerc'h e voe brasaet pa voe savet un eil nev e 1607. Gant bombezadegoù 1944 e oa bet distrujet an darn vrasañ eus delwennoù hag arrebeuri ar chapel. N'eo ket bet peurrenevezet abaoe. N'eus bolz ebet ken hag un nebeud delwennoù a chom gwenn o c'hortoz o livioù orin liesseurt. Elfennoù dedennus zo chomet er savadur; teir gwareg-volz kaer ha daou vaen-korn kizellet eston.
Ur c'halvar kaer greunaen ha maen kersantit a vav e kornôg ar chapel. E 1987 ha 1997 un eil gwech, ez eus bet freuzet traou enni ha peurzistrujet zo bet ur c'hrist flammek eus ar XVvet kantved.
- Dour Sant Yann, pe dour an Drouized, dour "burzhudus" evit an daoulagad
Ur feunteun a zo war an aod ha goloet e vez gant an dour pa vez uhel ar mor. Feunteun an Drev a reer diouti ivez. Pevar dar maen a sav tro dro d'ar feunteun. Laret e vez e teue an Drouized da ober o lidoù amañ da vare ar Gelted Kozh. Brud a oa chomet gant an dour se da bareañ an daoulagad. Deiz ar pardon ez ae kuit ar berc'hirinerien gant pep a vuredad dour "burzhudus". Pardon Sant Yann, Pardon al Laboused a sache milieroù a dud gwechall, tud eus Plougastell evel just met eus kalz pelloc'h, Brest, Landerne ha pelloc'h zoken. D'ar 24 a viz Even e oa gwechall, dalc'het e vez bremañ d'ar sul tostañ. D'ar 24 a viz even 1890 e oa bet ur gwallzarvoud mantrus e fin ar pardon pa oa kouezhet un dreuzell e lec'h ma c'hortoze perc'hirinerien ar vag a zeue da gerc'hat anezho.
