Breizh Touch

Ar Breizh Touch zo un heuliad abadennoù sevenadurel (sonerezhel dreist-holl) aozet e Pariz evit Kuzul Rannvro Breizh gant ar Festival interceltique de Lorient eus an 20 a viz Gwengolo 2007 betek an 23 a viz Gwengolo 2007.

Barnadennoù

Askol

Burutellet eo bet an darvoud gant meur a gevredigezh, en o zouez ar strollad Askol (kevredigezh dilennidi vreizhat evit an demokratelezh), a lavar e oa koustet 2,4 a vilion a euroioù (2,5 hervez Ouest-France an 10 a viz Here 2007) d'ar rannvro ha da bep hini eus ar 5 departamant). Ouzhpenn e kav dezho e oa koll arc'hant brudañ Breizh e Pariz,

• dre ma vije bet efedusoc'h ober kemend-all e Berlin, Milano pe Londrez
• abalamour ma tiskoueze ur santimant a izelded e-keñver Pariz
• peogwir e oa tud enebet a-viskoazh ouzh Breizh,
• dre-benn ma oa bet ankouaet pediñ « Produit en Bretagne »
• abalamour ma oa bet ankouaet ar brezhoneg penn-da-benn (nemet e oa bet emsaverien o klask brudañ ar yezh o-unan)
• peogwir e oa klasket brudañ an douristelezh dreist-holl
• dre ma ne oa ket implijet evit kas war-raok arc'hadurioù Breizh: an unavanidigezh, ur statud evit ar yezh,

Libération

Er pemdezieg gall Libération e oa embannet ur pennad, o kregiñ war ar bajenn gentañ, gant Françoise Morvan o c'hoapaat an aozadenn ha... doare-skrivañ "savet war urzh an nazied" emezi.

Politikerien

Brudet eo bet pennad ar senedour gall Jean-Luc Mélenchon embannet en e vlog. Ken en deus disklêriet Jean-Yves Le Drian diwar e benn: Mélenchon, pa glev ar ger Breizh, a daol e vinim. Hag ivez "Mélenchon a zo ur paun strizh e spered".

Lec'hienn

• http://www.breizhtouch.com
• www.askol.org
• http://bourgognelibre.blogspot.fr/2007/09/la-breizh-touch-ou-laffligeante-parade.html

Pennad kar

• Printemps des sonneurs

Notennoù

Porched Breizh – Adkavit pennadoù ha rummadoù Wikipedia a denn da Vreizh.