Brec'hed

Brec'hed zo un anv-badez brezhonek roet d'ar merc'hed. Anavezet eo ivez er stumm Berc'hed.

Orin

Un anv a orin gouezelek eo, brudet gant ar santez iwerzhonat Brec'hed (pe Berc'hed). Alies e vez graet anv eus an doueez kelt Brigit / Brigantia, diwar ur wrizienn brigo a dalvez uhel e galianeg, hag a gaver ivez en anv-pobl Briganted.

Kemmesk

A-wechoù e vez mesket gant Brec'hed ar santez svedat Birgitta, abalamour ma vez roet dezho ar memes anv, Brigitte, e galleg, hag a-wechoù ivez e saozneg, Bridget. Koulskoude eo sklaer n'int ket anvioù kenorin.
Evit santez Iwerzhon ha Breizh e vez lavaret alies Birzida pe Birzidañ e brezhoneg ar bobl e Treger.

Er yezhoù all

• alamaneg : Brigitte
• daneg: Birgitte, hag ar berranv Gitte
• saozneg : Brigitte, Bridget, Britt
• galleg : Brigide (gwechall), Brigitte (hiriv)
• hungareg : Brigitta
• italianeg : Brigida
• latveg : Brigita
• poloneg : Brygida
• ruseg : Бригитта (Brigitta)
• tchekeg : Brigita
• slovakeg : Brigita
• sloveneg : Brigita
• svedeg : Birgitta

An div santez

• Santez Berc'hed, pe Brec'hed, (+ 523), anvet ivez Berc'hed Iwerzhon, pe Berc'hed Kildare, goueliet d'ar 1añ a viz C'hwevrer
• Birgitta, (+ 1373), pe Birgitta Sveden, lidet d'an 8 a viz Here.

Tud all

• Bridget Fonda, aktourez stadunanat, nizez da Jane Fonda
• Brigitte Bardot, aktourez c'hall, difennerez gwirioù al loened

Lec'hanvioù

• E Breizh, gwelout Berc'hed
• E Bro-C'hall, gwelout Brigitte.