Benicio del Toro
.jpg)
Benicio Monserrate Rafael del Toro Sánchez, ganet d'an 19 a viz C'hwevrer 1967, zo un aktour puertorikan. Enoret eo bet gant un Academy Award, ur BAFTA Award, ur Golden Globe Award hag ur Screen Actors Guild Award evit e roll ofiser polis dic'hoanaget met onest Javier Rodriguez er film Traffic (2000). Labour Del Toro evel un ez-strizhkredener, Jack Jordan, en 21 Grams (2003) gant Alejandro González Iñárritu a lakaas anezhañ da gaout e anv lakaet war ar renk evit un eil Academy Award evit priz ar Best Supporting Actor, met ivez evit un eil Screen Actors Guild Awards hag ur BAFTA Awards evit ar priz Best Actor in a Leading Role.
Brudet eo bet ivez evit e roll a Fred Fenster er film The Usual Suspects (1995), enoret eo bet gant e c'hentañ Independent Spirit Award; Benny Dalmau en Basquiat (1996), ma voe enoret gant un eil Independent Spirit Award; Dr. Gonzo en Fear and Loathing in Las Vegas (1998); Franky Four Fingers en Snatch (2000); an den vil enebour d'an haroz Jackie Boy e Sin City (2005); ar reveulzier Che Guevara er film Che (2008), enoret e voe gant ur priz gwellañ aktour er Festival de Cannes met ivez e-pad ar Goya Awards. Brudet eo bet ivez dre e roll a Alejandro, un dudenn gevrinus, feuls hag a dremen e vuhez o tistrujañ ur c'hartel dramm er film Sicario (2015), enoret eo bet lies del Toro gant ar film-se : gant ar Chicago Film Critics Association Award evel gwellañ aktour a eil, lakaet e anv evit un trede BAFTA Award.
Buhez personel[kemmañ | kemmañ ar vammenn]
D'an 11 a viz Ebrel 2011, degemenner del Toro a embanne e oa bet del Toro ha Kimberly Stewart (merc'h Rod Stewart) o c'hortoz o c'hentañ bugel, memes ma ne oant ket asambles en un doare ofisiel. Ur verc'h a zo ganet, anvet Delilah, d'an 21 a viz Ebrel 2011. Benniget eo bet e Puerto Rico.
D'ar 4 a viz Du 2011, e oa bet roet dezhañ ar vroadelezh spagnol, memes amzer evit e gamarad eus Puerto Rican Ricky Martin. Asantet e oa bet ar goulenn gant ar gouarnamant spagnol dre an donezonoù arzel hag ar fed e oa orinoù spagnol (familh en deus e Barcelona).
E miz Meurzh 2012, e oa enoret gant un titl a enor gant Skol-veur Puerto Rico dre e levezon war ar sinema, e-pad lid kant vloaz an aozadur.
Filmlennadur[kemmañ | kemmañ ar vammenn]
Sinema[kemmañ | kemmañ ar vammenn]
Skinwel[kemmañ | kemmañ ar vammenn]
| bloavezh | Titl | Roll | Notennoù |
|---|---|---|---|
| 1987 | Shell Game | Pedroza | Lodenn: "The Upstairs Gardener" |
| Miami Vice | Pito | Lodenn: "Everybody's in Showbiz" | |
| Private Eye | Lodenn: "Blue Movie" | ||
| 1990 | Drug Wars: The Camarena Story | Rafael Caro Quintero | Ministirad skinwel |
| 1994 | Tales from the Crypt | Bill | Lodenn: "The Bribe" |
| 1995 | Fallen Angels | Paco | Lodenn: "Good Housekeeping" |
| 2008 | Todos Contra Juan | Roll e-unan | Lodenn: "Juan & La Critica" |
| 2018 | Escape at Dannemora | Richard Matt |