Terry Gilliam

Terence Vance Gilliam, lesanvet Terry Gilliam, zo ur filmaozour hag aktour saoz, ganet d'an 22 a viz Du 1940 e Minneapolis. Unan eus izili ar strollad saoz Monty Python eo bet. Sevenet en deus 12 film, en o zouez Time Bandits, Brazil, The Adventures of Baron Munchausen, 12 Monkeys, ha The Imaginarium of Doctor Parnassus. Goude ma ne oa ket ganet e Breizh-Veur, e teuas da vezañ ur c'heodedour breizhveurat e 1968. E 2006 e tilezas ar geodedouriezh stadunanat.

Bed Terry Gilliam

Gwazhwelour ha kriz e vez bed filmoù Terry Gilliam alies, diskouez a reont perzhioù divalavañ hor c'hevredigezh en un doare flemmus. Un doare dreistgwirvoudel a vez gant e filmoù ivez, abalamour d'ur stil dibar. Pledet e vez enno gant ar gevredigezh bevezañ, an deknologiezh. En holl filmoù e kaver un dave d'an tec'h war-zu ur bed gwelloc'h, unan huñvreet, pe e vefe gant an ijin (The Adventures of Baron Munchausen, The Brothers Grimm), dre an deknologiezh (Twelve Monkeys, The Zero Theorem) pe an drammoù (Fear and Loathing in Las Vegas, Tideland).

E filmoù

• Monty Python and the Holy Grail (1975, kensevenet gant Terry Jones)
• Jabberwocky (1977)
• Time Bandits (1981)
• Brazil (1985)
• The Adventures of Baron Munchausen (1988)
• The Fisher King (1991)
• 12 Monkeys (1995)
• Fear and Loathing in Las Vegas (1998)
• The Brothers Grimm (2005)
• Tideland (2005)
• The Imaginarium of Doctor Parnassus (2009)
• The Zero Theorem (2013)