Bae Gdańsk
| Rann eus | Gotland Basin  |
|---|---|
| Adstêrioù | Stêr Wisła, Nogat, Pregolya |
| Anvet diwar | Gdańsk |
| Stad | Polonia, Rusia |
| Daveennoù douaroniel | 54°28′59″N 18°57′31″E |
Bae Gdańsk (Zatoka Gdańska e poloneg, Gduńskô Hôwinga e kachoubeg, Danziger Bucht en alamaneg, Гданьская бухта, Gdan'skaya bouc'hta, e rusianeg) zo ur bae er Mor Baltel. Dont a ran e anv eus hini porzh Gdańsk e Polonia.
Douaroniezh
[kemmañ | kemmañ ar vammenn]Stummet eo Bae Gdańsk gant ur blegenn eus an aod etre Ledenez Hel, e Pomerania, er c’hornôg, ha ledenez Sambia, e rannvro Kaliningrad, er reter. E goueled ar bae ez eus ul loc'h stummet gant dourioù ar stêr Wisła ha dispartiet diouzh Bae Gdańsk gant un erv hir, digor un tammig dre strizh-dour Baltiysk.
Meur a borzh bras a gaver war aod Bae Gdańsk : Kaliningrad, Gdańsk, Gdynia, Puck, Sopot, Hel, Primorsk ha Baltiysk. Er bae en em daol dourioù ar stêr Wisła, war-eeun dre veur a skourr, ar stêr Leniwka, ar stêr Śmiała Wisła hag ar stêr Martwa Wisła, hag ivez, en un doare dieeun, dre loc'h ar Wisła.