Bab al-Mandab

Bab al Mandab

Bab al-Mandab, pe Bab el Mandeb ( باب المندب en arabeg, da lavaret eo "dor al leñvoù"), zo ur strizh-mor etre Djibouti, en Afrika, ha Yemen, en Azia. Drezañ eo liammet ar Mor Ruz ha Pleg-mor Aden.

Ul lec'h strategel a bouez eo, rak dre ar strizh-mor-se e tremen e-leizh a listri, da vont eus ar Mor Kreizdouar da Veurvor Indez. E-pad pell e voe eveshaet al lec'h gant ar Saozon, diazezet e Yemen, hag ar C'hallaoued, staliet e Djibouti. Bremañ c'hoazh ez eus soudarded estren e Djibouti : Gallaoued, Stadunaniz abaoe 2002, ha Sinaiz abaoe 2017.