Ariana Grande
| Ariana Grande | |
|---|---|
 Ariana Grande e 2020 | |
| Ganedigezh | Ariana Grande-Butera 26 a viz Even 1993 Boca Raton, Florida  Stadoù-Unanet
|
| Broadelezh | Stadunanat
|
| Micher | Kanerez Aktourez |
| Resped | 2008 – bremañ |
| Internet | arianagrande.com |
| IMDB | Ariana Grande |
Ariana Grande, bet ganet Ariana Grande-Butera d'ar 26 a viz Even 1993 e Boca Raton (Florida), zo ur ganerez hag aktourez stadunanat.
Kroget he doa da ganañ e Broadway er strollad 13. Goude-se e voe aktourez gant roll Cat Valentine er stirad skinwel Nickelodeon, anvet Victorious e 2009. Pevar c'houlzad hepken e padas ar stirad, met Grande a gendalc'has er spin off Sam & Cat, a badas betek 2014.
Aktourez eo bet Ariana Grande ivez, er c'hoariva ha rolloù all evit ar skinwel pe filmoù, ha bet mouezh tudennoù e tresadennoù-bev er skinwel pe er sinema.
Gwalldaol an 22 a viz Mae 2017 er Manchester Arena[kemmañ | kemmañ ar vammenn]
D'an 22 a viz Mae 2017, e-fin un abadenn sonerezh gant ar ganerez Ariana Grande, e voe un dagadenn emlazh gant ur sponter eus ar Stad Islamek. 23 a dud a voe lazhet ha 120 gloazet don.
