Angela Davis

Angela Yvonne Davis, ganet d'ar 26 a viz Genver 1944, zo ur stourmerez politikel, prederourez, skrivagnerez ha kelennerez skol-veur stadunanat. Kelennerez eo e Skol-veur Kalifornia, e Santa Cruz. Marksourez, Davis zo bet ezel e-pad pell eus Strollad Komunour SUA (CPUSA) hag unan eus krouerien ar Committees of Correspondence for Democracy and Socialism (CCDS). Skrivet he deus un dek levr bennak diwar-benn ar c'hlasoù sokial, stourm ar maouezed, ar ouenn, hag an toulloù-bac'h stadunanat. E 1977-78 he doa resevet ar Priz Lenin evit ar Peoc'h. Kenlabouret he deus gant ar Black Panther Party.

Davis zo bet lakaet hec'h anv en Time 100 evel unan eus tudennoù pouezusañ ar bloavezh 2020.

Buhez personel[kemmañ | kemmañ ar vammenn]

Dimezet eo bet etre 1980 ha 1983 gant Hilton Braithwaite. E 1998, Davis he devoa embannet e oa lesbian er gelaouenn Out.