Black Panther Party

Eus Wikipedia
Mont da : merdeiñ, klask

Black Panther Party (Strollad ar Banterenn Zu), graet anezhañ Black Panther Party for Self-Defense e penn kentañ, hag anavezet evel ar Black Panthers, a oa ur strollad politikel dispac'hel afroamerikan SUA, krouet en Oakland, e California, e miz Here 1966 gant Huey P. Newton, Bobby Seale ha David Hilliard. Awenet e oant gant menozioù Malcolm X met tostoc'h e oant d'an tu-kleiz pellañ ha ne oa ket dedennet ar strollad gant ar relijion.

Da get ez eas ar strollad abalamour d'an disemglevioù diabarzh ha d'al labour graet gant ar FBI evit e zistrujañ o plantañ reuz ennañ a-drugarez da ditourerien ha poliserien e-touesk ar Black Panthers.

New Black Panther Party[kemmañ]

Krouet eo bet e 1989 ur Black Panther Party nevez (New Black Panther Party), diwar Nation of Islam, dekvloaziadoù war-lerc'h e oa aet ar strollad kentañ da get. Neoazh e voe lavaret gant Black Panthers kozh n'en deus ar strollad-se netra da welout gant Black Panther Party orin. Oberiant e seblant bezañ ar strollad nevez en Europa. Stellio Capo Chichi, graet anezhañ Kemi Seba, eo da skouer e « vinistr galleger » e Frañs.