Amzeroniezh Praha

Amzeroniezh Praha

Kinnig, dre amzeroniezh, darvoudoù istor Praha, kêr-benn ha kêr vrasañ ar Republik Tchek.

Krennamzer

• 870 : Krouidigezh Kastell Praha
• 1085 : Praha a zeuas da vezañ kêr-benn rouaned Bohemia, Vratislav II o vezañ roue kentañ kurunnenet
• 1270 : Sinagogenn ar Gêr Gozh savet
• 1344 : Praha a zeuas da vezañ arc’heskopti
• 1347 : Kêr Nevez Praha savet diwar atiz Charlez IV a-benn ledañ ar Gêr Gozh, stanket en difennoù bet savet en XIII^vet kantved
• 1348 : Krouidigezh skol-veur Charlez. Kentañ skol-veur Kreizeuropa eo
• 1355 : Charlez IV a lakaas Praha da gêr-benn an Impalaeriezh Santel German
• 1376 : Venceslas IV, roue kentañ Bohemia kurunnenet en ur heuliañ ul lid nevez bet ijinet gant e dad, an impalaer Charles IV. Al lid a gendalc’has e Kastell Praha betek 1836, pa voe kurunnenet Ferdinand Iañ Aostria.
• 1378 : Disivoud Jan Hus
• 1380 : Iliz Itron Varia Týn savet
• 1419 : Kentañ difrenestriñ Praha

Gwel-meur war blasenn ar Gêr Gozh, gant an ti-kêr

XVI^vet kantved

1583 : Ren Rodolphe II – Praha lakaet da gêr-benn an Impalaeriezh Santel German, ha da gêr-benn sevenadur Europa

XVII^vet kantved

• 1618 : Eil difrenestriñ Praha, penn-kentañ Brezel Tregont Vloaz
• 1620 : Armeoù tchek trec’het e-pad Emgann ar Menez Gwenn
• 1621 : 27 denjentil a orin tchek hag alaman lazhet war blasenn ar Gêr Gozh
• 1635 : Peoc’h Praha etre an impalaer hag un nebeud priñsed protestant, e-pad Brezel Tregont Vloaz
• 1648 : Ribl kleiz Praha (hag ar C’hastell) aloubet ha preizhet gant armeoù Sveden

XVIII^vet kantved

• 1741 : Aloubidigezh gant armeoù gall ha bavarian, e-pad Brezel Hêrezh Aostria
• 1744 : Aloubet gant arme Prusia
• 1757 : Emgann Praha etre Prusia hag Aostria
• 1784 : Ar peder c’hêr strollet a-benn krouiñ Praha. Ti-kêr ar Gêr Gozh a zeuas da vezañ sez ar galloud a-fet melestradur
• 1787 : Opera Don Giovanni gant Wolfgang Amadeus Mozart c’hoariet evit ar wech kentañ e c’hoariva ar Stadoù e Praha

XIX^vet kantved

• 1848 : emsavadeg pobl e-kerzh Nevezamzer Pobloù
• 1890 : dour-beuz

XX^vet kantved

• 1918 : Tchekoslovakia dizalc’h, Praha lakaet da gêr-benn
• 1938 : Sudeted aloubet gant arme an Trede Reich, hag ar vro a-bezh e 1939
• 1942 : Gwalldaol a-enep daReinhard Heydrich, gwaskadur nazi da heul
• 1945 : Praha bombezennet, padal e oa Dresden ar pal (200 km pelloc’h)

  Miz Mae, dieubet Praha gant ar rezistañs, Arme Ruz o tegouezhout

• 1948 : Taol Praha (putsch ar gomunourien) kaset gant Klement Gottwald, hag eñ war pondalez palez Kinský, plasenn ar Gêr Gozh
• 1952 : Prosez Praha, spurjoù
• 1968 : Nevezamzer Praha echu, aloubet ar vro gant armeoù feur-emglev Varsovia, normaladur ar vro
• 16 a viz Genver 1969 : Jan Palach, 21 bloaz, studier e skol-veur Charlez, en em aberzhas a-benn diskouez eo eo a-enep aloubidigezh armeoù Feur-emglev Varsovia. Un arouez e teuas da vezañ er vro a-bezh
• 17 a viz Du 1989 : manifestadeg studierien, kastizet da vat, penn-kentañ an Dispac’h Voulouz

  Miz Kerzu 1989 : Václav Havel dilennet prezidant

• 1añ a viz Genver 1993 : Disparti etre Tchekia ha Slovakia

XXI^vet kantved

• miz Eost 2002 : Dour-beuz, lod brasañ annezidi ar gêr a rankas mont kuit
• 2006 : Palez Škoda, ur savadur doare arz kinklañ, a zeuas da vezañ ti-kêr nevez Praha